ബജറ്റിൽ തൃശൂരിന് ‘തള്ള്’ മാത്രം; കുന്നോളമായിരുന്നു വാഗ്ദാനങ്ങൾ

തൃ​ശൂ​ർ: ലോ​ക്സ​ഭ തെ​ര​ഞ്ഞെ​ടു​പ്പ് കാ​ല​ത്ത് ബി.​​ജെ.​പി​യും സ്ഥാ​നാ​ർ​ഥി സു​രേ​ഷ് ഗോ​പി​യും തൃ​ശൂ​രു​കാ​ർ​ക്ക് വാ​രി​ക്കോ​രി​യാ​ണ് വാ​ഗ്ദാ​ന​ങ്ങ​ൾ ന​ൽ​കി​യ​ത്. എ​യിം​സ് (ഓ​ൾ ഇ​ന്ത്യ ഇ​ൻ​സ്റ്റി​റ്റ്യൂ​ട്ട്​ ഓ​ഫ്​ മെ​ഡി​ക്ക​ൽ സ​യ​ൻ​സ​സ്) മു​ത​ൽ കൊ​ച്ചി-​തൃ​ശൂ​ർ-​കോ​യ​മ്പ​ത്തൂ​ർ മെ​ട്രോ റെ​യി​ൽ വ​രെ നി​ര​വ​ധി മോ​ഹ​ന​വാ​ഗ്ദാ​ന​ങ്ങ​ളും ഉ​റ​പ്പു​മാ​ണ് സു​രേ​ഷ് ഗോ​പി ന​ൽ​കി​യി​രു​ന്ന​ത്. എ​ന്നാ​ൽ, ബ​ജ​റ്റ് പ്ര​ഖ്യാ​പി​ച്ച​പ്പോ​ൾ തൃ​ശൂ​ർ പോ​യി​ട്ട് കേ​ര​ളം എ​ന്ന വാ​ക്കു​പോ​ലും കാ​ണാ​നി​ല്ല.

ടൂ​റി​സം സ​ഹ​മ​ന്ത്രി​യാ​യ​തി​നാ​ൽ തൃ​ശൂ​ർ കേ​ന്ദ്രീ​ക​രി​ച്ച് തീ​ർ​ഥാ​ട​ക പാ​ക്കേ​ജ് പ്ര​ഖ്യാ​പ​നം കേ​ന്ദ്ര ബ​ജ​റ്റി​ൽ ഉ​റ​പ്പാ​യും ഉ​ണ്ടാ​കു​മെ​ന്നാ​യി​രു​ന്നു ബി.​ജെ.​പി കേ​ന്ദ്ര​ങ്ങ​ൾ പ്ര​ച​രി​പ്പി​ച്ചി​രു​ന്ന​ത്. ഇ​ത​ട​ക്ക​മു​ള്ള നി​ർ​ദേ​ശ​ങ്ങ​ൾ ബ​ജ​റ്റി​നു​മു​മ്പ് സ​മ​ർ​പ്പി​ച്ചി​രു​ന്ന​താ​യി കേ​ന്ദ്ര സ​ഹ​മ​ന്ത്രി സു​രേ​ഷ് ഗോ​പി ത​ന്നെ പ​റ​യു​ക​യും ചെ​യ്തി​രു​ന്നു. ഈ ​പ്ര​തീ​ക്ഷ​ക​ളെ​ല്ലാം തീ​ർ​ത്തും അ​സ്ത​മി​ക്കു​ന്ന​താ​യി​പ്പോ​യി ബ​ജ​റ്റ് പ്ര​ഖ്യാ​പ​നം. സു​രേ​ഷ് ഗോ​പി കേ​ന്ദ്ര ടൂ​റി​സം-​​പെ​ട്രോ​ളി​യം വ​കു​പ്പ്​ സ​ഹ​മ​ന്ത്രി​യാ​യ​തി​നാ​ൽ ഈ ​വ​കു​പ്പു​ക​ളു​മാ​യി ബ​ന്ധ​പ്പെ​ട്ട് കേ​ര​ള​ത്തി​ന് എ​ന്തെ​ങ്കി​ലും പ്ര​ഖ്യാ​പ​നം ഉ​ണ്ടാ​കാ​തി​രി​ക്കി​ല്ലെ​ന്നാ​യി​രു​ന്നു സം​സ്ഥാ​ന ബി.​ജെ.​പി​യു​ടെ​യും പ്ര​തീ​ക്ഷ. ഇ​തും അ​സ്ഥാ​ന​ത്താ​യി. കേ​ര​ള​ത്തി​ന്, പ്ര​ത്യേ​കി​ച്ച് തൃ​ശൂ​രി​ന് ഒ​ന്നു​മി​ല്ല​ല്ലോ എ​ന്ന ചോ​ദ്യ​ത്തി​ന് കേ​ര​ളം സ്ഥ​ലം ഏ​റ്റെ​ടു​ത്തു​ന​ൽ​കി​യാ​ൽ എ​യിം​സ് ഉ​റ​പ്പാ​യും വ​രും എ​ന്നാ​യി​രു​ന്നു സു​രേ​ഷ് ഗോ​പി​യു​ടെ മ​റു​പ​ടി. ‘‘കേ​ര​ള​ത്തി​ൽ ചെ​റു​പ്പ​ക്കാ​രി​ല്ലേ, കേ​ര​ള​ത്തി​ൽ ഫി​ഷ​റീ​സി​ല്ലേ, കേ​ര​ള​ത്തി​ൽ സ്ത്രീ​ക​ളി​ല്ലേ, തൊ​ഴി​ല​വ​സ​ര​ങ്ങ​ൾ ത​രു​ന്ന മേ​ഖ​ല​ക​ളി​ലേ​ക്ക് എ​ന്തു​ത​രം ത​ലോ​ട​ലാ​ണ് ത​ന്നി​രി​ക്കു​ന്ന​ത്. നി​ങ്ങ​ൾ പോ​യി ബ​ജ​റ്റ് പ​രി​ശോ​ധി​ക്കൂ, പ​ഠി​ക്കൂ, പ്ര​തി​പ​ക്ഷം ആ​രോ​പി​ച്ചോ​ട്ടെ’’ -സു​രേ​ഷ് ഗോ​പി മാ​ധ്യ​മ​പ്ര​വ​ർ​ത്ത​ക​രോ​ട് പ്ര​തി​ക​രി​ച്ചു.

​കൊ​ച്ചി മെ​ട്രോ തൃ​ശൂ​രി​നെ സ്പ​ർ​ശി​ച്ച്​ കോ​യ​മ്പ​ത്തൂ​രി​ലേ​ക്ക്​ നീ​ട്ടു​ന്ന​ത്​ സു​രേ​ഷ്​ ഗോ​പി​യും ബി.​ജെ.​പി​യും കു​റ​ച്ച്​ കാ​ല​മാ​യി പ​റ​യു​ന്ന​താ​ണ്. അ​തി​നെ​ക്കു​റി​ച്ച് ഒ​രു സൂ​ച​ന​യു​മി​ല്ല. ത​മി​ഴ്​​നാ​ട്ടി​ലെ നാ​ഗ​ർ​കോ​വി​ലി​ൽ​ തു​ട​ങ്ങി തൃ​ശൂ​ർ ലൂ​ർ​ദ്​ ച​ർ​ച്ചി​ൽ അ​വ​സാ​നി​ക്കു​ന്ന ‘തീ​ർ​ഥാ​ട​ന ടൂ​റി​സം സ​ർ​ക്യൂ​ട്ട്​’ സ്വ​പ്​​ന പ​ദ്ധ​തി​യാ​ണെ​ന്നും സു​രേ​ഷ്​ ഗോ​പി പ​റ​ഞ്ഞി​രു​ന്നു. കേ​ര​ള​ത്തി​ന്​ എ​യിം​സ്​ കി​ട്ടു​മെ​ന്ന്​ ഉ​റ​പ്പി​ച്ചു​പ​റ​യു​ന്ന​തി​നൊ​പ്പം ത​ന്‍റെ മ​ന​സ്സി​ൽ അ​തി​നു​ പ​റ്റി​യ സ്ഥ​ല​വു​മു​ണ്ട്​ എ​ന്നാ​യി​രു​ന്നു സു​രേ​ഷ് ഗോ​പി​യു​ടെ വാ​ക്ക്. അ​തും കാ​ണാ​നി​ല്ല. കു​റ​ച്ച് വ​ർ​ഷ​ങ്ങ​ൾ​ക്കു​മു​മ്പ് തൃ​ശൂ​ർ-​എ​റ​ണാ​കു​ളം ജി​ല്ല​ക​ൾ അ​തി​രി​ടു​ന്ന കൊ​ര​ട്ടി​യി​ൽ എ​യിം​സി​ന്​ സ്ഥ​ലം ക​ണ്ടെ​ത്തി​യി​രു​ന്നു. അ​തി​​നെ​ക്കു​റി​ച്ചും ഇ​പ്പോ​ൾ മി​ണ്ടാ​ട്ട​മി​ല്ല.

‘അ​മൃ​ത്​’ പ​ദ്ധ​തി​യി​ൽ ഗു​രു​വാ​യൂ​ർ, തൃ​പ്ര​യാ​ർ തീ​ർ​ഥാ​ട​ന കേ​ന്ദ്ര​ങ്ങ​ളു​ടെ പ​ശ്ചാ​ത്ത​ല വി​ക​സ​നം, മു​ന​യ്ക്ക​ക്ക​ട​വി​ലോ ചേ​റ്റു​വ​യി​ലോ ആ​ധു​നി​ക തു​റ​മു​ഖം, ജി​ല്ല​യി​ലൂ​ടെ ക​ട​ന്നു​പോ​കു​ന്ന ര​ണ്ടു​ ദേ​ശീ​യ​പാ​ത​ക​ളെ ബ​ന്ധി​പ്പി​ക്കു​ന്ന ബൈ​പാ​സ്​ റോ​ഡ്, റെ​യി​ൽ​വേ മൂ​ന്നാം​പാ​ത എ​ന്നി​വ​യൊ​ക്കെ തൃ​ശൂ​ർ പ്ര​തീ​ക്ഷ​യോ​ടെ കാ​ത്തി​രു​ന്ന സം​ഗ​തി​ക​ളാ​യി​രു​ന്നു. പ​ക്ഷേ, ബ​ജ​റ്റി​​നൊ​ടു​വി​ൽ നി​രാ​ശ​മാ​ത്രം ബാ​ക്കി.