മ​തി​ല​ക​ത്ത് വീ​ണ്ടും വോ​ളി​ബാ​ൾ ആ​ര​വം

മ​തി​ല​കം: വോ​ളി​ബാ​ളി​ന്റെ ഈ​റ്റി​ല്ലം എ​ന്ന വി​ശേ​ഷ​ണ​മു​ള്ള മ​തി​ല​ക​ത്തി​ന്റെ മ​ണ്ണി​ൽ വീ​ണ്ടു​മൊ​രു ക​ളി​യാ​ര​വ​ത്തി​ന് വേ​ദി​യൊ​രു​ങ്ങു​ന്നു. വോ​ളി​ബാ​ൾ മാ​മാ​ങ്ക​ത്തി​ന് ശ​നി​യാ​ഴ്ച രാ​വി​ലെ ആ​ര​വം ഉ​യ​രും. 25 ഓ​ളം പു​രു​ഷ, വ​നി​ത ടീ​മു​ക​ൾ മാ​റ്റു​ര​ക്കു​ന്ന ജി​ല്ല സീ​നി​യ​ർ വോ​ളി​ബാ​ൾ ചാ​മ്പ്യ​ൻ​ഷി​പ്പി​നാ​ണ് ശ​നി, ഞാ​യ​ർ ദി​വ​സ​ങ്ങ​ളി​ൽ മ​തി​ല​കം ആ​തി​ഥേ​യ​ത്വം വ​ഹി​ക്കു​ന്ന​ത്. പ​ഞ്ചാ​യ​ത്ത് ഗ്രൗ​ണ്ടി​നോ​ട് ചേ​ർ​ന്ന് സ​ജ്ജ​മാ​ക്കി​യ ഒ.​എ. മു​ഹ​മ്മ​ദ് സ്മാ​ര​ക ഫ്ല​ഡ് ലൈ​റ്റ് കോ​ർ​ട്ടി​ലാ​ണ് രാ​പ​ക​ൽ പോ​രാ​ട്ടം.

ശ​നി​യാ​ഴ്ച രാ​വി​ലെ ഒ​മ്പ​തി​ന് ഇ.​ടി. ടൈ​സ​ൻ എം.​എ​ൽ.​എ ഉ​ദ്ഘാ​ട​നം ചെ​യ്യും. മു​ൻ​കാ​ല വോ​ളി താ​ര​ങ്ങ​ളെ ച​ട​ങ്ങി​ൽ ആ​ദ​രി​ക്കും. ജി​ല്ല വോ​ളി​ബാ​ൾ അ​സോ​സി​യേ​ഷ​ൻ ടെ​ക്നി​ക്ക​ൽ വി​ഭാ​ഗ​ത്തി​ന്റെ​യും മ​തി​ല​ക​ത്തെ സു​ഭാ​ഷ്, ന്യൂ ​വോ​ളി​ക്ല​ബു​ക​ളു​ടെ​യും സം​യു​ക്താ​ഭി​മു​ഖ്യ​ത്തി​ൽ ഷാ​ജു ലൂ​യീ​സ്, കെ.​വൈ. അ​സീ​സ്, കെ.​എ. നി​സാ​ർ, ഇ.​എ​സ്. നി​യാ​സ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് സം​ഘാ​ട​നം.

കൈ​പ​ന്ത് ക​ളി​യു​ടെ ത്ര​സി​പ്പി​ക്കു​ന്ന മു​ഹൂ​ർ​ത്ത​ങ്ങ​ൾ ആ​വോ​ളം അ​ട​യാ​ള​പ്പെ​ടു​ത്തി​യ ദേ​ശ​മാ​ണ് വോ​ളി​ബാ​ൾ ക​മ്പ​ക്കാ​രു​ടെ നാ​ടാ​യ മ​തി​ല​കം. തീ​ര​ദേ​ശ​ത്തെ ആ​ദ്യ അ​ഖി​ലേ​ന്ത്യ വോ​ളി​ബാ​ൾ ടൂ​ർ​ണ​മെൻറി​ന് വേ​ദി​യാ​യ​ത് മ​തി​ല​ക​മാ​ണ്. വൈ.​എം.​സി ആ​തി​ഥേ​യ​ത്വം വ​ഹി​ച്ച മേ​ള​യി​ൽ ഇ​ന്ത്യ​യി​ലെ വ​മ്പ​ൻ ടീ​മു​ക​ളും ബ​ൽ​ബ​ന്ത് സി​ങ്, നി​പ്പി തു​ട​ങ്ങി​യ ഇ​ന്ത്യ​ൻ ഇ​ന്റ​ർ​നാ​ഷ​ന​ൽ താ​ര​ങ്ങ​ളും തീ​ർ​ത്ത ഇ​ടി​മു​ഴ​ക്ക​ൻ സ്മാ​ഷു​ക​ളു​ടെ​യും ക​ളി​യാ​വേ​ശ​ത്തി​ന്റെ​യും ഉ​ജ്ജ്വ​ല മു​ഹൂ​ർ​ത്ത​ങ്ങ​ളു​ണ്ട്.

മ​തി​ല​കം സു​ഭാ​ഷ് ക്ല​ബി​ന്റെ ആ​ഭി​മു​ഖ്യ​ത്തി​ലാ​യി​രു​ന്നു ഒ​ടു​വി​ൽ ന​ട​ന്ന അ​ഖി​ലേ​ന്ത്യ വോ​ളി​ബാ​ൾ മേ​ള. അ​ഖി​ല കേ​ര​ള ടൂ​ർ​ണ​മെ​ന്റ് ഉ​ൾ​പ്പെ​ടെ മ​റ്റ് അ​നേ​കം മ​ത്സ​ര​ങ്ങ​ളും പി​ന്നി​ട്ട കാ​ല​യ​ള​വി​ൽ മ​തി​ല​ക​ത്ത് അ​ര​ങ്ങേ​റി. ക​ളി കോ​ർ​ട്ടു​ക​ളും വ്യാ​പ​ക​മാ​യി​രു​ന്നു. മി​ക​ച്ച ക​ളി​ക്കാ​രും പ​രി​ശീ​ല​ക​രും സം​ഘാ​ട​ക​രും ഉ​യ​ർ​ന്നു വ​ന്നു.

ഇ​ന്ത്യ​ൻ താ​രം ഭു​വ​ന ദാ​സ്, നേ​വി ജോ​ർ​ജ്ജ്, എം.​എ. യൂ​സ​ഫ് മാ​സ്റ്റ​ർ, ഒ.​ടി. ദാ​വീ​ദ്, സാ​ബി​ൻ സെ​ബാ​സ്റ്റ്യ​ൻ, പ്ര​ദീ​പ്, മ​ജു, വി.​വൈ. ന​വാ​സ്, കെ.​എ. സ​ഗീ​ർ, യു.​എ. അ​ബ്ദു​ൽ കാ​ദ​ർ, ഒ.​എ. അ​സീ​സ്, ലെ​നി​ൻ മാ​സ്റ്റ​ർ ഉ​ൾ​പ്പെ​ടെ ഒ​ട്ടേ​റെ പേ​ർ മ​തി​ല​ക​ത്തി​ന്റെ വോ​ളി​ബാ​ൾ പെ​രു​മ​യു​ടെ ഭാ​ഗ​മാ​ണ്. വൈ.​എം.​സി, പ്ര​ഭാ​ത്, ബ്ളൂ​സ്റ്റാ​ർ, മ​തി​ല​കം വോ​ളി​ക്ല​ബ്, സു​ഭാ​ഷ്, ന്യൂ ​വോ​ളി​ക്ല​ബ്, സീ​മ ക്ല​ബ് തു​ട​ങ്ങി​യ​വ​യും മ​തി​ല​ക​ത്തി​ന്റെ വോ​ളി​ബാ​ൾ ച​രി​ത്ര​ത്തോ​ട് ചേ​ർ​ന്നു​നി​ൽ​ക്കു​ന്നു.

കാ​ല​ക്ര​മേ​ണ വോ​ളി​ബാ​ൾ കോ​ർ​ട്ടു​ക​ൾ വി​ര​ള​മാ​യി, ക​ളി​ക്കാ​രും കു​റ​ഞ്ഞു. ഇ​തി​നി​ട​യി​ലാ​ണ് വോ​ളി പ്രേ​മി​ക​ൾ​ക്ക് ദൃ​ശ്യ​വി​രു​ന്നാ​കു​ന്ന ജി​ല്ല ചാ​മ്പ്യ​ൻ​ഷി​പ്പി​ന് ശ​നി​യാ​ഴ്ച തു​ട​ക്ക​മാ​കു​ന്ന​ത്.