പരിപാലനമില്ല; ചോലക്കുളം നാശത്തിലേക്ക്

വ​ട​ക്കാ​ഞ്ചേ​രി: പ​രി​പാ​ല​ന​മി​ല്ലാ​ത്ത ചോ​ല​ക്കു​ളം നാ​ശ​ത്തി​ലേ​ക്ക് കൂ​പ്പു​കു​ത്തു​ന്നു. ന​ഗ​ര​സ​ഭ പ​രി​ധി​യി​ലെ കു​മ്പ​ള​ങ്ങാ​ട്-​വ്യാ​സ വ​ഴി പോ​കു​ന്ന സ്ഥ​ല​ത്ത് സ്ഥി​തി​ചെ​യ്യു​ന്ന ചോ​ല​ക്കു​ള​മാ​ണ് കാ​ടു തി​ങ്ങി നി​റ​ഞ്ഞ അ​വ​സ്ഥ​യി​ലാ​യ​ത്.

കാ​ട്ടു ചോ​ല​ക​ളി​ൽ​നി​ന്ന് ഒ​ഴു​കി​യെ​ത്തു​ന്ന നീ​രു​റ​വ പാ​റ​ക്കെ​ട്ടു​ക​ൾ​ക്കു മു​ക​ളി​ൽ കൂ​ടി പ​തി​ക്കു​ന്ന​ത് കാ​ണാ​ൻ ആ​ദ്യ നാ​ളു​ക​ളി​ൽ ഇ​വി​ടേ​ക്ക് വി​നോ​ദ സ​ഞ്ചാ​രി​ക​ളു​ടെ പ്ര​വാ​ഹ​മാ​യി​രു​ന്നു.

ജ​ല ല​ഭ്യ​ത​യു​ള്ള നീ​രു​റ​വ​ക​ൾ സം​ര​ക്ഷി​ക്ക​ണ​മെ​ന്ന പ്ര​ഖ്യാ​പ​നം നി​ല​വി​ലു​ള്ള​പ്പോ​ഴാ​ണ് രാ​ഷ്ട്രീ​യ ചേ​രി​തി​രി​വി​ൽ നി​രീ​ക്ഷ​ണ​വും പ​രി​പാ​ല​ന​വു​മി​ല്ലാ​തെ ന​ശി​ക്കു​ന്ന​ത്. 2015 സെ​പ്റ്റം​മ്പ​ർ 21ന് ​ല​ക്ഷ​ങ്ങ​ൾ ചെ​ല​വ​ഴി​ച്ച് കു​ടി​വെ​ള്ള ല​ഭ്യ​ത​ക്ക് മ​ന്ത്രി​യാ​യി​രു​ന്ന സി.​എ​ൻ. ബാ​ല​കൃ​ഷ്ണ​ൻ ഉ​ദ്ഘാ​ട​നം നി​ർ​വ​ഹി​ച്ച ചോ​ല​ക്കു​ള​മാ​ണ് നി​രീ​ക്ഷ​ണ​വും പ​രി​പാ​ല​ന​വു​മി​ല്ലാ​തെ നോ​ക്കു​കു​ത്തി​യാ​കു​ന്ന​ത്. താ​ഴെ ഭാ​ഗ​ത്ത് കു​ടി​വെ​ള്ള പ​ദ്ധ​തി ആ​വി​ഷ്ക​രി​ച്ചി​ട്ടു​ണ്ടെ​ങ്കി​ലും ചോ​ല​ക്കു​ളം ന​വീ​ക​രി​ച്ചെ​ടു​ത്താ​ൽ കു​ടി​വെ​ള്ള ക്ഷാ​മ​ത്തി​നും പാ​ട​ശേ​ഖ​ര​ങ്ങ​ൾ​ക്കും ആ​ശ​ങ്ക​യ​ക​റ്റാം. ഏ​ഴു​വ​ർ​ഷ​ത്തോ​ള​മാ​യി ചോ​ല​ക്കു​ള​ത്തെ വി​സ്മ​രി​ച്ച മ​ട്ടാ​ണെ​ന്ന് നാ​ട്ടു​കാ​ർ പ​റ​യു​ന്നു. ഒ​ഴു​കി​യെ​ത്തു​ന്ന ശു​ദ്ധ​ജ​ലം ഉ​പ​യോ​ഗ​പ്ര​ദ​മാ​ക്കും​വി​ധം ന​വീ​ക​രി​ച്ചാ​ൽ കു​ടി​വെ​ള്ള​ക്ഷാ​മ​ത്തി​ന് അ​റു​തി വ​രു​ത്തു​ന്ന​തി​ലു​പ​രി വി​നോ​ദ സ​ഞ്ചാ​രി​ക​ളു​ടെ ഒ​ഴു​ക്കു​മാ​കു​മ്പോ​ൾ ചെ​റു​കി​ട ക​ച്ച​വ​ട സ്ഥാ​പ​ന​ങ്ങ​ൾ​ക്കും ആ​ശ​ങ്ക​യ​ക​റ്റി ഉ​പ​ജീ​വ​ന മാ​ർ​ഗം സു​ഖ​മ​മാ​ക്കാ​മെ​ന്ന് സ​മീ​പ​ത്തു​ള്ള ക​ട​ക്കാ​രും പ​റ​യു​ന്നു. ആ​രം​ഭ​ത്തി​ലെ ശു​ഷ്കാ​ന്തി പി​ന്നീ​ട​ങ്ങോ​ട്ട് ച​ല​ന​മ​റ്റ രീ​തി​യി​ലാ​ണെ​ന്ന പ​രാ​തി​യും ശ​ക്ത​മാ​ണ്.