പുലിയെ കണ്ടെത്താൻ സ്ഥാപിച്ച കാമറകളിൽ കുറുക്കനും പന്നിയും മാത്രം

വ​ട​ക്കാ​ഞ്ചേ​രി: ന​ഗ​ര​സ​ഭ​യി​ലെ മു​ണ്ട​ത്തി​ക്കോ​ട് പു​ലി​ക്കു​ന്ന​ത്ത് പു​ലി ഭീ​തി ഉ​യ​ർ​ന്ന സാ​ഹ​ച​ര്യ​ത്തി​ൽ വ​നം വ​കു​പ്പ് സ്ഥാ​പി​ച്ച നാ​ല് കാ​മ​റ​ക​ളി​ൽ ഒ​രാ​ഴ്ച പി​ന്നി​ട്ടി​ട്ടും പു​ലി ചി​ത്ര​മി​ല്ല.

വ​ന്യ​മൃ​ഗ​ങ്ങ​ൾ​ക്ക് കു​ടി​വെ​ള്ളം ല​ഭി​ക്കു​ന്ന പ്ര​ദേ​ശ​ത്തെ ക്വാ​റി പ​രി​സ​ര​ത്ത് സ്ഥാ​പി​ച്ച കാ​മ​റ​യി​ൽ കു​റു​ക്ക​നും ധാ​രാ​ളം പ​ന്നി​ക​ളും പ​തി​ഞ്ഞി​ട്ടു​ണ്ട്. പു​ലി​ക്കു​ന്ന​ത്ത് അ​യ്യ​ങ്കേ​രി അ​ല​ക്സി​ന്റെ വീ​ട്ടി​ൽ ക​ഴി​ഞ്ഞ ആ​ഴ്ച രാ​ത്രി പു​ലി​യെ ക​ണ്ടെ​ന്നാ​ണ് വീ​ട്ടു​കാ​ർ പ​റ​യു​ന്ന​ത്. നാ​യ​യു​ടെ കു​ര കേ​ട്ട് അ​ല​ക്സും കു​ടും​ബ​വും പു​റ​ത്തി​റ​ങ്ങി​യ​പ്പോ​ൾ നാ​യ​ക്കൂ​ടി​ന് സ​മീ​പ​മാ​ണ് പു​ലി​യെ ക​ണ്ട​ത്.

ന​ഗ​ര​സ​ഭ കൗ​ൺ​സി​ല​ർ കെ. ​അ​ജി​ത് കു​മാ​ർ അ​റി​യി​ച്ച​തി​നെ തു​ട​ർ​ന്ന് പ​ഴ​വൂ​ർ ഫോ​റ​സ്റ്റ് സ്റ്റേ​ഷ​ൻ ഉ​ദ്യോ​ഗ​സ്ഥ​ർ, മെ​ഡി​ക്ക​ൽ കോ​ള​ജ് പൊ​ലീ​സ് എ​ന്നി​വ​ർ എ​ത്തി പ​രി​ശോ​ധ​ന ന​ട​ത്തി. മേ​ഖ​ല​യി​ൽ അ​തീ​വ ജാ​ഗ്ര​ത പ്ര​ഖ്യാ​പി​ക്കു​ക​യും ചെ​യ്തു. വ​ട​ക്കാ​ഞ്ചേ​രി ന​ഗ​ര​സ​ഭ ചെ​യ​ർ​മാ​ൻ പി.​എ​ൻ. സു​രേ​ന്ദ്ര​ന്റെ നേ​തൃ​ത്വ​ത്തി​ൽ ഉ​ന്ന​ത​ത​ല യോ​ഗം വി​ളി​ക്കു​ക​യും ചെ​യ്തു.

പു​ലി​യെ ക​ണ്ടു​വെ​ന്ന് പ​റ​യു​ന്ന അ​ല​ക്സി​ന്റെ വ​സ​തി, പ്ര​ദേ​ശ​ത്തെ ക്വാ​റി എ​ന്നി​വി​ട​ങ്ങ​ളി​ല​ട​ക്ക​മാ​ണ് നാ​ല് കാ​മ​റ​ക​ൾ സ്ഥാ​പി​ച്ച​ത്. ദൃ​ശ്യ​ങ്ങ​ൾ സ്ഥി​ര​മാ​യി പ​രി​ശോ​ധി​ക്കു​ന്നു​ണ്ട്. കു​റ​ച്ചു ദി​വ​സം കൂ​ടി ഇ​ത് തു​ട​രാ​നാ​ണ് തീ​രു​മാ​നം. കാ​മ​റ വി​വി​ധ സ്ഥ​ല​ങ്ങ​ളി​ലേ​ക്ക് മാ​റ്റി​സ്ഥാ​പി​ച്ചും പ​രി​ശോ​ധ​ന ന​ട​ത്തും. പു​ലി ഈ ​ഭാ​ഗ​ത്തൊ​ന്നും ഇ​ല്ല എ​ന്നാ​ണ് ഇ​തു​വ​രെ​യു​ള്ള നി​ഗ​മ​നം.