ഞാറ്റടിക്ക്​​ നിലം ഒരുക്കണ്ട; റെഡിമെയ്ഡ് ഞാറ്റടിയുമായി​ ‘ഗ്രീൻ ആർമി’

വ​ട​ക്കാ​ഞ്ചേ​രി: നെ​ൽ​കൃ​ഷി​ക്ക്​ ഞാ​റ്റ​ടി​യൊ​രു​ക്കാ​ൻ ഇ​നി നി​ല​മൊ​രു​ക്കേ​ണ്ട. റെ​ഡി​മെ​യ്ഡ് ഞാ​റ്റ​ടി​യു​മാ​യി ‘ഗ്രീ​ൻ ആ​ർ​മി’ സ​ജ്ജം. പു​ന​രു​പ​യോ​ഗി​ക്കാ​വു​ന്ന ട്രേ​ക​ളി​ൽ വി​ള​യി​ക്കു​ന്ന നെ​ൽ​ച്ചെ​ടി​ക​ൾ വീ​ട്ടു​മു​റ്റ​ത്തോ ടെ​റ​സി​ലോ ഒ​രു​ക്കി​യെ​ടു​ക്കാം. തി​രു​ത്തി​പ്പ​റ​മ്പി​ലെ ഗ്രീ​ൻ ആ​ർ​മി ആ​സ്ഥാ​ന​ത്തും തൊ​ട്ട​ടു​ത്തെ വീ​ട്ടു​മു​റ്റ​ങ്ങ​ളി​ലും മു​ണ്ട​ക​ൻ കൃ​ഷി​ക്ക്​ ആ​യി​ര​ക്ക​ണ​ക്കി​ന് ഞാ​റ്റ​ടി ട്രേ​ക​ൾ ഒ​രു​ക്കി ഗ്രീ​ൻ ആ​ർ​മി ‘കാ​ർ​ഷി​ക വി​പ്ല​വ​ത്തി​ന്’ വ​ഴി​യൊ​രു​ക്കി​യി​രി​ക്കു​ക​യാ​ണ്.

ഒ​റ്റ​ത്ത​വ​ണ 100 ഏ​ക്ക​റി​ല​ധി​കം സ്ഥ​ല​ത്ത് വി​ള​യി​ക്കാ​നു​ള്ള ഞാ​റ്റ​ടി ട്രേ​ക​ൾ ഒ​രു​ക്കു​ന്ന സം​സ്ഥാ​ന​ത്തെ​ത​ന്നെ ഏ​ക ന​ഴ്സ​റി ഗ്രീ​ൻ ആ​ർ​മി​യു​ടേ​താ​ണെ​ന്ന്​ ഇ​വ​ർ അ​വ​കാ​ശ​പ്പെ​ടു​ന്നു.

വീ​ട്ടു​മു​റ്റ​ങ്ങ​ളി​ലും മ​റ്റും ഞാ​റ്റ​ടി​ക​ൾ ത​യാ​റാ​ക്കു​ന്ന​തി​നാ​ൽ മ​യി​ൽ, പ​ന്നി തു​ട​ങ്ങി​യ​വ​യു​ടെ ശ​ല്യം ഉ​ണ്ടാ​വി​ല്ല. ദീ​ർ​ഘ​നേ​രം ജ​ല​സാ​ന്നി​ധ്യം നി​ല​നി​ൽ​ക്കു​ന്ന പ്ലാ​സ്റ്റി​ക് ട്രേ​ക​ളി​ലാ​ണ് കൃ​ഷി. പ്ര​ള​യ​ത്തെ​യോ വെ​ള്ളം ക​യ​റു​ന്ന അ​വ​സ്ഥ​യേ​യോ ഭ​യ​ക്കേ​ണ്ട​തി​ല്ല. ഒ​രി​ട​ത്തു​നി​ന്നും മ​റ്റൊ​രി​ട​ത്തേ​ക്ക് അ​നാ​യാ​സം ഞാ​റ്റ​ടി​ക​ൾ മാ​റ്റാം.

വ​ട​ക്കാ​ഞ്ചേ​രി മേ​ഖ​ല​യി​ലെ ഭൂ​രി​ഭാ​ഗം പാ​ട​ശേ​ഖ​ര​ങ്ങ​ൾ​ക്കു​ള്ള ഞാ​റ്റ​ടി​ക​ൾ ന​ൽ​കു​ന്ന​തും ഗ്രീ​ൻ ആ​ർ​മി​യാ​ണ്. പ്ര​ത്യേ​കം പ​രി​ശീ​ല​നം ല​ഭി​ച്ച വ​ള​ന്റി​യ​ർ​മാ​ർ യ​ന്ത്ര​സ​ഹാ​യ​ത്തോ​ടെ ന​ടീ​ൽ ഉ​ൾ​പ്പ​ടെ നി​ർ​വ​ഹി​ക്കു​ന്നു​ണ്ട്.

ക​ഴി​ഞ്ഞ ദി​വ​സം ആ​സൂ​ത്ര​ണ ബോ​ർ​ഡ് വൈ​സ് ചെ​യ​ർ​മാ​ൻ വി.​കെ. രാ​മ​ച​ന്ദ്ര​ൻ ഞാ​റ്റ​ടി കേ​ന്ദ്രം സ​ന്ദ​ർ​ശി​ച്ചു. ന​ഗ​ര​സ​ഭ സ്ഥി​രം​സ​മി​തി അ​ധ്യ​ക്ഷ​ൻ എം.​ആ​ർ. അ​നൂ​പ് കി​ഷോ​ർ കൃ​ഷി രീ​തി വി​ശ​ദീ​ക​രി​ച്ചു. തി​രു​ത്തി​പ്പ​റ​മ്പി​ലെ പു​തി​യ കൃ​ഷി​രീ​തി കാ​ണാ​ൻ ക​ഴി​ഞ്ഞ ദി​വ​സം നി​യോ​ജ​ക മ​ണ്ഡ​ല​ത്തി​ലെ വി​വി​ധ കൃ​ഷി വ​കു​പ്പ് ഉ​ദ്യോ​ഗ​സ്ഥ​രും സ​ന്ദ​ർ​ശി​ച്ചു.