കനാൽ വെള്ളത്തിന് കാത്തിരിപ്പ്

ചാ​ല​ക്കു​ടി: പ​രി​യാ​രം മേ​ഖ​ല​യി​ൽ കു​ടി​വെ​ള്ള ക്ഷാ​മം രൂ​ക്ഷ​മാ​കു​മ്പോ​ഴും അ​ധി​കൃ​ത​ർ നി​സ്സം​ഗ​ത പു​ല​ർ​ത്തു​ന്ന​തി​ൽ പ്ര​തി​ഷേ​ധം. ക​നാ​ലി​ൽ വെ​ള്ളം എ​ത്താ​ത്ത​തി​നാ​ൽ ഒ​ര​പ്പ​ന മേ​ഖ​ല​യി​ലു​ള്ള​വ​ർ പ്ര​യാ​സ​ത്തി​ലാ​ണ്.

പ്ര​ദേ​ശ​ത്തെ കി​ണ​റു​ക​ൾ വ​റ്റി. ക​നാ​ൽ വെ​ള്ളം വ​ന്നാ​ൽ മാ​ത്ര​മേ കി​ണ​റു​ക​ൾ നി​റ​യൂ. ജ​ല​സേ​ച​ന പ​ദ്ധ​തി​ക​ൾ പ്ര​വ​ർ​ത്ത​ന​ര​ഹി​ത​മാ​ണ്.

ചാ​ല​ക്കു​ടി പു​ഴ​യു​ടെ ഒ​ഴു​ക്ക് വ​ള​രെ നേ​ർ​ത്തി​രി​ക്കു​ക​യാ​ണ്. തൂ​മ്പാ​ക്കോ​ട്, ഒ​ര​പ്പ​ന, കാ​ഞ്ഞി​ര​പ്പി​ള്ളി പ്ര​ദേ​ശ​ത്ത് ക​നാ​ൽ വെ​ള്ളം തു​റ​ന്നു​വി​ട്ടി​ട്ട് ര​ണ്ട് മാ​സ​മാ​യി. ഷോ​ള​യാ​ർ ഡാ​മി​ലെ ജ​ന​റേ​റ്റ​ർ അ​റ്റ​കു​റ്റ​പ്പ​ണി ഉ​ട​ൻ പൂ​ർ​ത്തി​യാ​ക്കി ചാ​ല​ക്കു​ടി പു​ഴ​യി​ലെ നീ​രൊ​ഴു​ക്ക് നി​ല​നി​ർ​ത്തി​യാ​ലേ ശാ​ശ്വ​ത പ​രി​ഹാ​രം കാ​ണാ​നാ​വൂ.

വെ​ള്ളം തു​റ​ന്നു​വി​ട​ണ​മെ​ന്ന്​ ആ​വ​ശ്യ​പ്പെ​ട്ട് പ​രി​യാ​രം ഒ​ര​പ്പ​ന സ​ബ് ക​നാ​ലി​ൽ കി​സാ​ൻ സ​ഭ​യു​ടെ നേ​തൃ​ത്വ​ത്തി​ൽ കു​ത്തി​യി​രി​പ്പ് സ​മ​രം ന​ട​ത്തി. പ​രി​യാ​രം മേ​ഖ​ല ക​മ്മി​റ്റി ന​ട​ത്തി​യ പ്ര​തി​ഷേ​ധം സി.​പി.​ഐ ലോ​ക്ക​ൽ സെ​ക്ര​ട്ട​റി വി.​എം. ടെ​ൻ​സ​ൻ ഉ​ദ്ഘാ​ട​നം ചെ​യ്തു.

മേ​ഖ​ല പ്ര​സി​ഡ​ന്‍റ്​ പി.​ജെ. വ​ർ​ഗീ​സ് അ​ധ്യ​ക്ഷ​ത വ​ഹി​ച്ചു. സെ​ക്ര​ട്ട​റി കെ.​ജെ. തോ​മാ​സ്, കെ.​പി. ജോ​ണി, കെ.​ആ​ർ. സ​ജീ​വ​ൻ, ഷൈ​നി അ​ശോ​ക​ൻ എ​ന്നി​വ​ർ സം​സാ​രി​ച്ചു. ജ​ല​സേ​ച​ന​ത്തി​നാ​വ​ശ്യ​മാ​യ ജ​ലം തു​റ​ന്നു​വി​ട​ണ​മെ​ന്ന് കി​സാ​ൻ സ​ഭ മേ​ഖ​ല ക​മ്മി​റ്റി ആ​വ​ശ്യ​പ്പെ​ട്ടു.