നിരവധി കേസുകളിൽ പ്രതിയായ യുവാവ്​ അറസ്​റ്റിൽ

തൃശൂർ: നിരവധി കേസുകളിൽ പ്രതിയായ യുവാവ്​ പിടിയിൽ. വരടിയം തടത്തിൽ വീട്ടിൽ പ്രസാദ് (ശംഭു-24) ആണ്​ അറസ്​റ്റിലായത്​. പേരാമംഗലം പൊലീസ് സ്​റ്റേഷൻ പരിധിയിൽ 2019ൽ മൂന്ന് സ്ഥലത്ത് സ്ഫോടക വസ്തുക്കൾ എറിഞ്ഞതിനെ തുടർന്ന് ഇയാൾക്കെതിരെ കേസ്​ രജിസ്​റ്റർ ചെയ്​തിരുന്നു.

ജാമ്യത്തിൽ ഇറങ്ങി വീണ്ടും കേസ് ഉണ്ടാക്കിയതിനെ തുടർന്ന് പൊലീസ് നൽകിയ റിപ്പോർട്ടി​െൻറ അടിസ്ഥാനത്തിൽ കോടതി ജാമ്യം റദ്ദാക്കി. തുടർന്ന് ഒളിവിൽ പോവുകയായിരുന്നു. പ്രതിക്കെതിരെ ഗുണ്ടാ നിയമം അടക്കം നിരവധി കേസുണ്ട്.

പേരാമംഗലം എസ്.െഎ അനുദാസ്, ഷാഡോ പൊലീസ് എസ്.െഎമാരായ സുവ്രതകുമാർ, റാഫി, രാകേഷ്, ഗോപാലകൃഷ്ണൻ, സി.പി.ഒമാരായ ജീവൻ, പഴനി, വിപിൻ, ലികേഷ് എന്നിവരാണ് പൊലീസ് സംഘത്തിൽ ഉണ്ടായിരുന്നത്.‌‍