കെ.പി.എസ്​.എം.എ സംസ്ഥാന സമ്മേളനം ബുധനാഴ്ച തുടങ്ങും

തിരുവനന്തപുരം: പ്രൈവറ്റ്​ സ്കൂൾ (എയ്​ഡഡ്​) മാനേജേഴ്​സ്​ അസോസിയേഷൻ (കെ.പി.എസ്​.എം.എ) സംസ്ഥാന സമ്മേളനം ഈ മാസം 25, 26 തീയതികളിൽ തിരുവനന്തപുരം ഹസൻ മരയ്ക്കാർ ഹാളിൽ നടക്കും. ബുധനാഴ്ച രാവിലെ 10ന്​ മന്ത്രി വി. ശിവൻകുട്ടി ഉദ്​ഘാടനം ചെയ്യും. സംസ്ഥാന പ്രസിഡന്‍റ്​ കെ. കുട്ടി അഹമ്മദ്​ കുട്ടി അധ്യക്ഷത വഹിക്കും. ശിവഗിരി മഠാധിപതി സ്വാമി സച്ചിദാനന്ദ, മലങ്കര ഓർത്തഡോക്​സ്​ സഭ മെത്രാ​പ്പോലീത്ത ഡോ. ജോസഫ്​ മാർ ഡയോനിഷ്യസ്​, കൊടിക്കുന്നിൽ സുരേഷ്​ എം.പി, എം. വിൻസെന്‍റ്​ എം.എൽ.എ, പൊതുവിദ്യാഭ്യാസ പ്രിൻസിപ്പൽ സെക്രട്ടറി എ.പി.എം. മുഹമ്മദ്​ ഹനീഷ്​ എന്നിവർ സംസാരിക്കും. ഉച്ചക്ക്​ രണ്ടിന്​ നടക്കുന്ന ആദരിക്കൽ സമ്മേളനം ​മന്ത്രി ജെ. ചിഞ്ചുറാണി ഉദ്​ഘാടനം ചെയ്യും. ഗവ. ചീഫ്​ വിപ്പ്​ ഡോ.എൻ. ജയരാജ്​, എം.എൽ.എമാരായ പി.എസ്.​ സുപാൽ, പി.സി. വിഷ്ണുനാഥ്​, ആബിദ്​ ഹുസൈൻ തങ്ങൾ എന്നിവർ സംസാരിക്കും. വ്യാഴാഴ്ച സെമിനാർ രമേശ്​ ചെന്നിത്തല ഉദ്​ഘാടനം ചെയ്യും. പി.കെ. കുഞ്ഞാലിക്കുട്ടി മുഖ്യപ്രഭാഷണം നടത്തും. കാസർകോട്​ കേന്ദ്ര സർവകലാശാലയിലെ പ്രഫ. അമൃത്​ ജി. കുമാർ വിഷയാവതരണം നടത്തും. 11.30ന്​ നടക്കുന്ന സെഷൻ ഡോ. ഫസൽ ഗഫൂർ ഉദ്​ഘാടനം ചെയ്യും. ഉച്ചക്ക്​ രണ്ടിന്​ നടക്കുന്ന സെഷൻ കെ.ബി. ഗണേഷ്​ കുമാർ എം.എൽ.എ ഉദ്​ഘാടനം ചെയ്യും.