ബസിന്​ കല്ലെറിഞ്ഞയാൾ അറസ്റ്റിൽ

നെടുമങ്ങാട്: കെ.എസ്.ആർ.ടി.സി ബസിന് കല്ലെറിഞ്ഞ മുൻ പഞ്ചായത്ത് അംഗം അറസ്റ്റിൽ. വെള്ളനാട് മുൻ ഗ്രാമപഞ്ചായത്ത്​ അംഗം മണികണ്​ഠനാണ് അറസ്റ്റിലായത്. മദ്യ ലഹരിയിൽ ബസിനുള്ളിൽ നഗ്​നത പ്രദർശനം നടത്തിയെന്ന യാത്രക്കാരുടെ പരാതിയിൽ നെറ്റിറചിറയിൽ വെച്ച്​ മണികണ്ഠനെ ബസിൽ നിന്നിറക്കിവിട്ടു. തുടർന്ന്, ബൈക്കിൽ ബസിനെ പിന്തുടർന്നെത്തിയാണ് കല്ലെറിഞ്ഞത്. വെള്ളനാട് വില്ലേജ് ഓഫിസിനു മുന്നിൽ വെച്ചായിരുന്നു കല്ലേറ്. കണ്ടക്ടർ അനൂപിന് കൈക്ക് പരിക്കേറ്റു. ഇയാൾ വെള്ളനാട് ആശുപത്രിയിൽ ചികിത്സ തേടി.