വോളിബാൾ ക്ലബ് ഉദ്ഘാടനവും ദേവദത്തൻ മെമ്മോറിയൽ കോർട്ട് സമർപ്പണവും

കല്ലമ്പലം: തോട്ടക്കാട് വോളിബാൾ ക്ലബ് ഉദ്ഘാടനവും എൻ. ദേവദത്തൻ മെമ്മോറിയൽ വോളിബാൾ കോർട്ടിന്റെ സമർപ്പണവും നടന്നു. ഇന്ത്യൻ പുരുഷ വോളിബാൾ കാപ്റ്റൻ ജി.എസ്. അഖിൻ ക്ലബ് ഉദ്ഘാടനം ചെയ്തു. മുൻ ഇന്ത്യൻ വനിത വോളിബാൾ കാപ്റ്റൻ അശ്വനി എസ്. കുമാർ കോർട്ട് സമർപ്പണം നടത്തി. തോട്ടക്കാട് എം.ജി.യു.പി സ്കൂൾ ഗ്രൗണ്ടിൽ നടന്ന ചടങ്ങിൽ ക്ലബ് പ്രസിഡന്റ് എസ്. സുരേഷ് കുമാർ അധ്യക്ഷതവഹിച്ചു. ചടങ്ങിൽ കോവിലഴികം സിസ്റ്റേഴ്സിലെ വോളിബാൾ പ്രതിഭകളെ ആദരിച്ചു. സെക്രട്ടറി നിസാം തോട്ടക്കാട്, ജി. സുരേഷ് കുമാർ, ഡോ. എൻ. പ്രശാന്തൻ, വി. വിജയൻ, കെ. ലോഹിതൻ, ബി. ഭാസി, ബൽറാം, മായ എന്നിവർ സംസാരിച്ചു. ക്ലബ് ട്രഷറർ ജി. മണിലാൽ നന്ദി പറഞ്ഞു. Twatl volleyball inauguration എൻ. ദേവദത്തൻ മെമ്മോറിയൽ വോളിബാൾ കോർട്ടിന്റെ സമർപ്പണം മുൻ ഇന്ത്യൻ വനിത വോളിബാൾ കാപ്റ്റൻ അശ്വനി എസ്. കുമാർ നിർവഹിക്കുന്നു