പെൺകുട്ടിക്ക് ലൈംഗിക പീഡനവും മർദനവും: പ്രതി പിടിയിൽ

കിളിമാനൂർ: പ്രായപൂർത്തിയാകാത്ത പെൺകുട്ടിയെ വിവാഹ വാഗ്ദാനം നൽകി ലൈംഗികമായി പീഡിപ്പിക്കുകയും, പിന്നീട് പെൺകുട്ടി പിന്മാറാൻ ശ്രമിച്ചപ്പോൾ കടത്തിക്കൊണ്ട് പോയി മർദിക്കുകയും ചെയ്ത കേസിൽ യുവാവ് അറസ്റ്റിൽ. കല്ലറ, മിതൃമ്മല നീർമൺകടവ് തറുതലക്കുന്ന് ശ്രുതി ഭവനിൽ വൈശാഖ് (22) ആണ്​ അറസ്റ്റിലായത്. റൂറൽ എസ്.പി ദിവ്യ ഡി. ഗോപിനാഥിന് ലഭിച്ച രഹസ്യവിവരത്തെ തുടർന്ന് ആറ്റിങ്ങൽ ഡിവൈ.എസ്.പി സുനീഷ് ബാബുവി‍ൻെറ നിർദേശാനുസരണം കിളിമാനൂർ സ്റ്റേഷൻ ഓഫിസർ എസ്. സനൂജ്, എസ്.ഐ വിനീദ് കെ. നായർ, എ.എസ്.ഐ ഷജിം, എസ്.സി.പി.ഒ രഞ്ജിത്ത് രാജ്, സി.പി.ഒ മഹേഷ് എന്നിവർ ചേർന്ന് അറസ്റ്റ് ചെയ്ത പ്രതിയെ ആറ്റിങ്ങൽ കോടതിയിൽ ഹാജരാക്കി റിമാൻഡ് ചെയ്തു. ----------------------------------------------------------- മൺറോതുരുത്തി‍ൻെറ ദൃശ്യഭംഗി നിലനിർത്താൻ നിംസ് മെഡിസിറ്റി തിരുവനന്തപുരം: ലോക പരിസ്ഥിതി ദിനത്തിൽ നിംസ് മെഡിസിറ്റി മാനേജ്മെന്റും നിംസ് ഡെന്റൽ കോളജ് വിദ്യാർഥികളുടെ കൂട്ടായ്മയും മൺറോതുരുത്തിൽ പ്ലാസ്റ്റിക് നിർമാർജന പരിപാടി സംഘടിപ്പിക്കുന്നു. കോവൂർ കുഞ്ഞുമോൻ എം.എൽ.എയുടെ നേതൃത്വത്തിലായിയിരിക്കും പരിപാടി. എല്ലാ മാസവും ഒന്നിന്​ മൺറോതുരുത്തിലെത്തി പ്ലാസ്റ്റിക് ശേഖരിച്ച്​ നിർമാർജനം ചെയ്യുമെന്ന് മാനേജ്മെന്റ് പ്രതിനിധികൾ അറിയിച്ചു.