കൊലക്കേസ് പ്രതി ജയിലിൽ കഴുത്ത്​ മുറിച്ച്​ ആത്മഹത്യക്ക്​ ശ്രമിച്ചു

തിരുവനന്തപുരം: പൂജപ്പുര സെൻട്രൽ ജയിലിൽ കൊലക്കേസ് പ്രതി കഴുത്തിലെ ഞരമ്പ് മുറിച്ച് ആത്മഹത്യക്ക് ശ്രമിച്ചു. വട്ടപ്പാറ സ്വദേശി സാജനാണ് ശനിയാഴ്ച വൈകീട്ട്​ ആത്മഹത്യക്ക് ശ്രമിച്ചത്. കൈയിൽ കരുതിരുന്ന ​ബ്ലേഡ്​ കഷണം ഉപയോഗിച്ചാണ് സാജന്‍ കഴുത്ത് മുറിച്ചതെന്ന്​​ സംശയിക്കുന്നു​. മാനസികാസ്വാസ്ഥ്യം പ്രകടിപ്പിക്കുന്ന സാജൻ ചികിത്സയിലായിരുന്നെന്നാണ്​ ജയിൽ അധികൃതർ പറയുന്നത്​. വട്ടപ്പാറയിൽ വയോധികയെ കൊലപ്പെടുത്തിയ കേസിലെ പ്രതിയാണിയാൾ. ശസ്ത്രക്രിയക്കുശേഷം സാജൻ മെഡിക്കൽ കോളജ് ആശുപത്രിയിൽ ചികിത്സയിലാണ്. അപകടനില തരണം ചെയ്​തെന്ന് ജയിൽ അധികൃതർ അറിയിച്ചു.