സെക്രട്ടേറിയറ്റ് മാർച്ച്

തിരുവനന്തപുരം: കേരള സംസ്ഥാന മത്സ്യ അനുബന്ധ തൊഴിലാളി ഫെഡറേഷൻ സി.ഐ.ടി.യുവിന്റെ ആഭിമുഖ്യത്തിൽ സെക്രട്ടേറിയേറ്റ് മാർച്ച് നടത്തി. സി.ഐ.ടി.യു സംസ്ഥാന പ്രസിഡന്റ് ആനത്തലവട്ടം ആനന്ദൻ ഉദ്ഘാടനം ചെയ്തു. പീലിങ്​തൊഴിലാളികളുടെ കൂലി വർധിപ്പിച്ച് ഏകീകരിക്കുക, ക്ഷേമനിധി ആനുകൂല്യങ്ങളും പ്രവർത്തനങ്ങളും കാലോചിതമായി പരിഷ്ക്കരിക്കുക, മത്സ്യത്തിലെ മായം ചേർക്കൽ പരിശോധന ഉറവിടങ്ങളിൽ കർശനമായി നടപ്പാക്കണം തുടങ്ങി ആവശ്യങ്ങൾ ഉന്നയിച്ചായിരുന്നു മാർച്ച്. സംസ്ഥാനത്തിന്റെ വിവിധ ജില്ലകളിൽനിന്ന് തൊഴിലാളികൾ പങ്കെടുത്തു.