മൂന്ന്​ തവണ പരിശോധിച്ചു, മൂന്നും നെഗറ്റിവ് ​-വീണ ജോർജ്​​

തിരുവനന്തപുരം: മൂന്ന്​ തവണ കോവിഡ്​ പരിശോധന നടത്തിയെന്നും മൂന്ന്​ വട്ടവും നെഗറ്റിവാണെന്നും മന്ത്രി വീണ ജോർജ്​​. സമൂഹമാധ്യമങ്ങളിലടക്കം മന്ത്രിക്ക്​ കോവിഡ്​ എന്ന തരത്തിൽ വാർത്ത പ്രചരിച്ച സാഹചര്യത്തിലാണ്​ ഫേസ്​ബുക്ക്​ പോസ്റ്റിലെ വിശദീകരണം. കഴിഞ്ഞ കുറച്ചു ദിവസങ്ങളായി പനിയുണ്ടായിരുന്നു. രണ്ടുതവണ ആർ.ടി.പി.സി.സി.ആർ പരിശോധന നടത്തിയപ്പോഴും നെഗറ്റിവായിരുന്നു. നിജസ്ഥിതി തിരക്കാതെ പ്രചരിക്കുന്ന വാർത്ത തെറ്റാണ്. തിങ്കളാഴ്ചയും ടെസ്റ്റ്​ ചെയ്തു. നെഗറ്റിവാണ്. 'ഡെങ്കി'യും നെഗറ്റിവ്. വൈറൽ ഫീവർ ആകാമെന്നും വിശ്രമം അനിവാര്യമാണെന്നും ഡോക്ടർമാർ നിർദേശിച്ചു. ഈ ദിവസങ്ങളിലെ പൊതുപരിപാടികൾ റദ്ദാക്കിയെന്നും അവർ കൂട്ടിച്ചേർത്തു.