Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightലോക കേരളസഭ...

ലോക കേരളസഭ ബഹിഷ്‌കരിക്കാന്‍ യു.ഡി.എഫ് തീരുമാനം

text_fields
bookmark_border
തിരുവനന്തപുരം: സര്‍ക്കാർ നയത്തില്‍ പ്രതിഷേധിച്ച് . പരിസ്ഥിതിലോല വിഷയത്തിലെ സുപ്രീംകോടതി വിധി സംസ്ഥാന സര്‍ക്കാറിന്റെ നിർദേശംകൂടി ഉള്‍ക്കൊണ്ടാണെന്നും കര്‍ഷകരെ ആശങ്കയിലാക്കുന്ന സാഹചര്യം ഒഴിവാക്കാന്‍ കേന്ദ്ര-സംസ്ഥാന സര്‍ക്കാറുകള്‍ ഇടപെടണമെന്നും യോഗം ആവശ്യപ്പെട്ടു. ലോകകേരള സഭയിൽ പ​ങ്കെടുക്കുന്നതിന്​ പ്രതിപക്ഷനേതാവ് മുന്നോട്ടുവെച്ച ധൂർത്ത്​ ഒഴിവാക്കുക, കഴിഞ്ഞ രണ്ട്​ സഭയില്‍ എടുത്ത തീരുമാനങ്ങളുടെ പുരോഗതി റിപ്പോര്‍ട്ട് അവതരിപ്പിക്കുക, പ്രതിപക്ഷ പ്രവാസി സംഘടനകള്‍ക്ക്​ പ്രാതിനിധ്യം നല്‍കുക എന്നീ​ ഉപാധികൾ പരിഗണിക്കാന്‍ മുഖ്യമന്ത്രി തയാറായില്ലെന്ന് യു.ഡി.എഫ് കണ്‍വീനര്‍ എം.എം. ഹസന്‍ വാർത്തസമ്മേളനത്തിൽ പറഞ്ഞു. മുഖ്യമന്ത്രിക്കെതിരായ ആരോപണങ്ങള്‍ ഉയർത്തി സമരംചെയ്ത യു.ഡി.എഫ്​ പ്രവർത്തകരെ ക്രൂരമായി മർദിക്കുന്ന സാഹചര്യത്തില്‍ ലോക കേരളസഭയുമായി സഹകരിക്കുന്നതില്‍ അർഥമില്ല. എന്നാൽ, സഭയില്‍ പങ്കെടുക്കാനെത്തിയ യു.ഡി.എഫ് അനുകൂല പ്രവാസിസംഘടനകൾക്ക്​ വിലക്ക്​ ബാധകമല്ലെന്നും അദ്ദേഹം വ്യക്തമാക്കി. പരിസ്ഥിതിലോല വിഷയത്തിൽ മലയോരമേഖലയിലെ കര്‍ഷകരുടെ പ്രതിഷേധത്തിന്​ യു.ഡി.എഫ്​ പിന്തുണ നൽകും. ജനവാസകേന്ദ്രങ്ങളെയും കൃഷി സ്​ഥലങ്ങളെയും ഒഴിവാക്കി ഉമ്മൻ ചാണ്ടി സര്‍ക്കാര്‍ നല്‍കിയ റിപ്പോര്‍ട്ട് യു.പി.എ സര്‍ക്കാര്‍ അംഗീകരിച്ചിരുന്നു. അന്തിമവിജ്ഞാപനം പുറപ്പെടുവിക്കാനിരിക്കെയാണ് ബി.ജെ.പി അധികാരത്തില്‍ വന്നത്. അതിനിടെയാണ്​ 2019ല്‍ ബഫര്‍ സോണ്‍ വേണമെന്ന് പിണറായി സർക്കാർ തീരുമാനിച്ചത്​. അതുകൂടി പരിഗണിച്ചാണ് സുപ്രീം കോടതിയുടെ വിധി​. ഇപ്പോൾ ഉടലെടുത്ത കര്‍ഷക ആശങ്ക മറികടക്കാൻ കേന്ദ്ര-സംസ്ഥാന സര്‍ക്കാറുകള്‍ ഇടപെടണം. കോൺഗ്രസും യു.ഡി.എഫും ഒറ്റക്കെട്ടായി നടത്തിയ പ്രവർത്തനവും സ്ഥാനാർഥിയുടെ മികവും സർക്കാർവിരുദ്ധ വികാരവുമാണ്​ തൃക്കാക്കര ഉപതെരഞ്ഞെടുപ്പിൽ പ്രതിഫലിച്ചതെന്ന്​ യോഗം വിലയിരുത്തി. കേന്ദ്രസര്‍ക്കാര്‍ അനുമതി നല്‍കിയാലും സില്‍വർ ലൈന്‍ പദ്ധതി നടപ്പാക്കാന്‍ അനുവദിക്കില്ലെന്നും കൺവീനർ അറിയിച്ചു.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

Next Story
Freedom offer
Placeholder Image