ബീമാപള്ളിയില്‍ ടൂറിസം വകുപ്പി​െൻറ പില്‍ഗ്രിം അമിനിറ്റി സെൻറര്‍ ഒരുങ്ങുന്നു

തിരുവനന്തപുരം: ബീമാപള്ളിയില്‍ ടൂറിസം വകുപ്പ് നിര്‍മിക്കുന്ന പില്‍ഗ്രിം അമിനിറ്റി സൻെററി​ൻെറ ശിലാസ്ഥാപനം ടൂറിസം മന്ത്രി കടകംപള്ളി സുരേന്ദ്രന്‍ നിര്‍വഹിച്ചു. ബീമാപള്ളി സന്ദര്‍ശിക്കുന്ന ആയിരക്കണക്കിന് ഭക്തര്‍ക്ക് പ്രയോജനപ്രദമാകുന്ന തരത്തില്‍ എല്ലാവിധ സൗകര്യങ്ങളോട്​ കൂടിയാണ് ഇത്​ നിര്‍മിക്കുന്നതെന്ന്​ അദ്ദേഹം പറഞ്ഞു.

വിനോദ സഞ്ചാര വകുപ്പ് ബീമാപള്ളി ജമാഅത്ത് കോമ്പൗണ്ടിൽ വിശ്രമകേന്ദ്രം മുമ്പ്​ പണി കഴിപ്പിച്ചിട്ടുണ്ടെങ്കിലും, അത് നിലവിൽ എത്തിച്ചേരുന്ന ഭക്തജനങ്ങള​ുടെ അടിസ്ഥാന ആവശ്യങ്ങൾ നിറവേറ്റുന്നതിന് പര്യാപ്തമല്ല എന്നുള്ള വസ്തുത പരിഗണനയിലെടുത്താണ്​ ബീമാപള്ളിയില്‍ പുതിയ പില്‍ഗ്രിം അമിനിറ്റി സൻെറർ നിര്‍മിക്കുന്നതെന്ന് മന്ത്രി പറഞ്ഞു.

2.6 കോടി രൂപ ​െചലവഴിച്ചുകൊണ്ടാണ് ബീമാപള്ളിയുടെ ശിൽപചാരുതയുമായി ചേർന്ന​ുനില്‍ക്കുന്ന അമിനിറ്റി സൻെറര്‍ പണിയുന്നത്. രണ്ട് നിലകളിലായി തീർഥാടകർക്കായുള്ള ഇരിപ്പിടങ്ങൾ, ഡൈനിങ്​ ഹാൾ, ശുചിമുറി സൗകര്യങ്ങൾ, ലോബി സൗകര്യങ്ങൾ, താമസത്തിനുള്ള മുറികള്‍, ഡോർമിറ്ററി, മറ്റിതര സൗകര്യങ്ങൾ എന്നിവ ഏർപ്പെടുത്തിയിട്ടുണ്ടെന്നും മന്ത്രി അറിയിച്ചു.