ബെഹ്റയുടെ പരാമര്‍ശം സംഘ്പരിവാരത്തെ തൃപ്​തിപ്പെടുത്താൻ -പി.ഡി.പി

തിരുവനന്തപുരം: സര്‍വിസില്‍നിന്ന് വിരമിക്കാനിരിക്കെ കേരളം തീവ്രവാദികളുടെ റിക്രൂട്ട്മൻെറ്​ കേന്ദ്രമാണെന്ന് ആരോപണമുന്നയിക്കുന്ന ഡി.ജി.പി ലോക്നാഥ് ബെഹ്റയുടെ പരാമര്‍ശം സംഘ്പരിവാരത്തെ തൃപ്തിപ്പെടുത്തി ത​ൻെറ ഭാവി ഭദ്രമാക്കാനാണെന്ന് പി.ഡി.പി കേന്ദ്ര കമ്മിറ്റി. യാഥാർഥ്യങ്ങളോട് ബന്ധമില്ലാത്ത ഇത്തരം പ്രചാരണങ്ങള്‍ നടത്തുന്നവരുടെ സര്‍വിസ് കാലയളവില്‍ സ്വീകരിച്ച നടപടികളിലും ഈ മനോഭാവം സ്വാധീനിച്ചിട്ടുണ്ടാകും. കഴിഞ്ഞ കാലങ്ങളിലെ ഭീകരവാദ-രാജ്യദ്രോഹ ബന്ധമുള്ള കള്ളനോട്ട്, കള്ളപ്പണം, സ്വര്‍ണക്കടത്ത്, കുഴല്‍പ്പണം ഉള്‍പ്പെടെ നിരവധി കുറ്റകൃത്യങ്ങളുടെ വേരുകള്‍ ആര്‍.എസ്.എസ്, സംഘ്പരിവാര്‍, ബി.ജെ.പി കേന്ദ്രങ്ങളിലേക്കാണ് എത്തുന്നതെങ്കിലും അന്വേഷണം അട്ടിമറിച്ചതിന് പിന്നില്‍ ഉന്നത പൊലീസ് മേധാവികള്‍ക്കുള്ള പങ്ക് സംശയാസ്പദമാണെന്നും സംസ്ഥാന ജനറല്‍ സെക്രട്ടറി എസ്.എം. ബഷീര്‍ പ്രസ്താവനയില്‍ പറഞ്ഞു.