തലസ്ഥാനത്ത് വ്യാജ സിഗരറ്റുകളുടെ വിൽപന വ‍്യാപകം

അമ്പലത്തറ: ശ്വസകോശ അർബുദമടക്കമുള്ള ഗുരുതരമായ ആരോഗ്യപ്രശ്​നങ്ങള്‍ സൃഷ്​ടിക്കുന്ന വ്യാജ സിഗരറ്റുകളുടെ വിൽപന വ‍്യാപകമാകുന്നു. നിര്‍മാണക്കമ്പനികളുടെ മേല്‍വിലാസമോ മറ്റുവിശദാംശങ്ങളോ രേഖപ്പെടുത്താതെയുള്ള പാക്കറ്റുകളിലാണ് വ്യാജന്മാർ എത്തുന്നത്​. വിദേശ ബ്രാൻഡുകളുടെ കവറും ലോ​േഗായും അതേപടി അനുകരിച്ചും സമാനമായ പേരുകള്‍ നല്‍കിയുമാണ് ഉപഭോക്താക്കളെ കബളിപ്പിക്കുന്നത്. ശ്രീലങ്കയിലെ പുകയില പാടങ്ങളില്‍ നിന്ന്​ പുറന്തള്ളുന്ന നിലവാരം കുറഞ്ഞ പുകയില ഉപയോഗിച്ചാണ് ഇത്തരം സിഗരറ്റുകള്‍ നിര്‍മിക്കുന്നതെന്നാണ്​ അറിയുന്നത്​.