കാൽനട യാത്രക്കാരൻ കാറിടിച്ച്​ മരിച്ചു

പൂന്തുറ: റോഡ്​ മുറിച്ചുകടക്കുന്നതിനിടെ കാൽനടയാത്രക്കാരൻ കാറിടിച്ച്​ മരിച്ചു. കരുമം സ്വദേശി സന്തോഷ്​കുമാർ (50) ആണ്​ മരിച്ചത്​. തിങ്കളാഴ്​ച രാത്രി കോവളം ബൈപാസിൽ മുട്ടത്തറ ബിവറേജസിന്​ സമീപമായിരുന്നു സംഭവം. കമലേശ്വരത്തെ സ്വകാര്യ ഹോട്ടൽ ജീവനക്കാരനായ സന്തോഷ്​കുമാർ വീട്ടിലേക്ക്​ മടങ്ങുന്നതിനിടെ ഇരുചക്രവാഹനം പാർക്ക്​ ചെയ്​ത്​ റോഡ്​ മുറിച്ച്​ കടക്കുന്നതിനിടെ എതിർവശത്തുനിന്ന്​ വന്ന കാർ ഇടിച്ച്​ തെറിപ്പിക്കുകയായിരുന്നു. ഇടിയുടെ ആഘാതത്തിൽ തെറിച്ചുവീണ ഇയാൾ സംഭവസ്ഥലത്ത്​ മരിച്ചു. ഭാര്യ: ഷീല. മക്കൾ: കിരൺ, കിഷോർകുമാർ. മൃതദേഹം മെഡിക്കൽ കോളജ്​ ആശുപത്രി മോർച്ചറിയിൽ.