മന്ത്രി ആൻറണി രാജുവി​െൻറ കുടുംബ വീട്ടില്‍ കയറിയ കള്ളനെ പിടികൂടി

മന്ത്രി ആൻറണി രാജുവി​ൻെറ കുടുംബ വീട്ടില്‍ കയറിയ കള്ളനെ പിടികൂടി പൂന്തുറ: മന്ത്രി ആൻറണി രാജുവി​ൻെറ കുടുംബ വീട്ടില്‍ കള്ളന്‍ കയറി. മാല മോഷ്​ടിച്ച് രക്ഷപ്പെടാന്‍ ശ്രമിച്ച കള്ളനെ നാട്ടുകാരും ബന്ധുക്കളും ചേര്‍ന്ന് പിടികൂടി പൂന്തുറ പൊലീസിന് കൈമാറി. അഞ്ചുതെങ്ങ് സ്വദേശി ലോറന്‍സാണ് പിടിയിലായത്. കഴിഞ്ഞ ദിവസം പുലര്‍ച്ചയോടെയാണ് മോഷ്​ടാവ് പൂന്തുറയിലുള്ള വീട്ടില്‍ മോഷണത്തിന് കയറിയത്. കുടുംബവീട്ടില്‍ താമസിക്കുന്ന മന്ത്രിയുടെ സഹോദരനും ഭാര്യയും മാത്രമേ വീട്ടിലുണ്ടായിരുന്നു. മേശപ്പുറത്ത് ഊരി​െവച്ചിരുന്ന അഞ്ചുപവന്‍ തൂക്കം വരുന്ന മാല മോഷ്​ടിച്ച് പുറത്ത് കടക്കാന്‍ ശ്രമിക്കുന്നതിനിടെ, വീട്ടില്‍ നിന്ന്​ പുറത്തുപോയിരുന്ന ഇവരുടെ മക്കള്‍ തിരികെ വന്നുകയറുകയായിരുന്നു. ഇവരുടെ നിലവിളി കേട്ട് ഓടിക്കൂടിയ നാട്ടുകാര്‍ ഇയാളെ പിടികൂടുകയായിരുന്നു. പ്രതിയെ കോടതി റിമാന്‍ഡ് ചെയ്തു.