ഓടയില്‍ വീണയാളെ രക്ഷിച്ചു

തിരുവനന്തപുരം: ഓടയില്‍ വീണയാളെ അഗ്​നിശമന സേന രക്ഷപ്പെടുത്തി. കാല്‍നടയാത്രികനായ മലയിന്‍കീഴ് ചീനിവിള അണപ്പാട് നിവാസില്‍ ബിനുവാണ് ഓടയില്‍ വഴുതി വീണത്. സെന്‍ട്രല്‍ തിയറ്ററില്‍നിന്ന്​ പവര്‍ഹൗസിലേക്ക് പോകുന്ന റോഡിനു സമീപത്തെ ഓടയിലാണ് അകപ്പെട്ടത്. നാട്ടുകാര്‍ വിവരം അറിയിച്ചതിൻെറ അടിസ്ഥാനത്തില്‍ ചെങ്കല്‍ചൂളയിലെ അഗ്​നിശമന സേനയെത്തി റോപ്പും നെറ്റും ഉപയോഗിച്ച് രക്ഷപ്പെടുത്തുകയായിരുന്നു.