കര്‍ഷക സമരത്തിന് ഐക്യദാര്‍ഢ്യം

വെള്ളറട: ജനാധിപത്യ കേരള കോണ്‍ഗ്രസ് പാറശ്ശാല നിയോജകമണ്ഡലം കമ്മിറ്റിയുടെ ആഭിമുഖ്യത്തില്‍ കര്‍ഷക സമരത്തി​ൻെറ ഒന്നാം വാര്‍ഷികത്തോടനുബന്ധിച്ച് സംഘടിപ്പിച്ച യോഗം സംസ്ഥാന കൗണ്‍സില്‍ അംഗം ആൻറണി വെള്ളറട ഉദ്ഘാടനം ചെയ്തു. നിയോജകമണ്ഡലം വൈസ് പ്രസിഡൻറ്​ ഡി. സ്വാമിദാസ് അധ്യക്ഷത വഹിച്ചു. നിയോജകമണ്ഡലം ജനറല്‍ സെക്രട്ടറി റോബിന്‍ പ്ലാവിള കര്‍ഷകര്‍ക്ക് ഐക്യദാര്‍ഢ്യം പ്രഖ്യാപിച്ചും പാചകവാതക വിലവര്‍ധനവിനെതിരെയും പ്രമേയം അവതരിപ്പിച്ചു. പെട്രോള്‍ ഡീസല്‍ പാചക വാതക വിലവര്‍ധനക്കെതിരെ തിങ്കളാഴ്​ച രാവിലെ 10ന്​ കാരക്കോണം പോസ്​റ്റ്​ ഓഫിസിന്​ മുന്നില്‍ ധര്‍ണ നടത്താന്‍ തീരുമാനിച്ചു. ആലത്തൂര്‍ സൈമണ്‍, വെള്ളറട വിന്‍സൻെറ്​, കൊല്ലയില്‍ രാജു, മോഹന്‍ ദാസ് എന്നിവര്‍ സംസാരിച്ചു.