പാറക്കുളത്തിൽ കാൽ വഴുതി വീണ് ഗൃഹനാഥൻ മരിച്ചു

ഓയൂർ: ആടിന് തീറ്റ ശേഖരിക്കാൻ പോയ ഗൃഹനാഥൻ കാൽ വഴുതി പാറക്കുളത്തിൽ വീണ് മരിച്ചു. വെളിയം പടിഞ്ഞാറ്റിൻകര ജനത വായനശാലയിലെ പാർട്ട്​ ടൈം ലൈബ്രേറിയൻ ചൂരക്കോട് ഹരിതാഭവനിൽ ശിവപ്രസാദ് (55) ആണ് മരിച്ചത്. കഴിഞ്ഞ ദിവസം രാവിലെ 11ഓടെയാണ്​ ആടിന് തീറ്റ ശേഖരിക്കാൻ പോയത്. ഉച്ച കഴിഞ്ഞിട്ടും വീട്ടിൽ മടങ്ങിയെത്താത്തതിനെത്തുടർന്നാണ്​ അന്വേഷിച്ചത്​. അറവലക്കുഴിയിൽ ഉപേക്ഷിക്കപ്പെട്ട പാറക്വാറിയിലെ വെള്ളക്കെട്ടിനുസമീപം ആടി​ൻെറ തീറ്റയും ശിവപ്രസാദി​ൻെറ ചെരിപ്പും കണ്ടു. കാൽ വഴുതി വെള്ളത്തിൽ വീണതായി സംശയം തോന്നി നാട്ടുകാർ പൂയപ്പള്ളി പൊലീസിൽ വിവരം അറിയിച്ചു. കൊട്ടാരക്കരയിൽനിന്ന്​ ഫയർഫോഴ്‌സും കൊല്ലത്തുനിന്ന്​ സ്കൂബാ ടീമും എത്തി വൈകീട്ട്​ അഞ്ചോടെ വെള്ളക്കെട്ടിൽനിന്ന്​ മൃതദേഹം പുറത്തെടുത്തു. പൂയപ്പള്ളി പൊലീസ് മേൽനടപടി സ്വീകരിച്ചു. രജനിയാണ്​ ശിവപ്രസാദി​ൻെറ ഭാര്യ. മകൾ: ഹരിത.