മാതാപിതാക്കൾക്കൊപ്പം ബൈക്കില്‍ സഞ്ചരിച്ച നാലുവയസ്സുകാരൻ ബസ് കയറി മരിച്ചു

പത്തുവര്‍ഷത്തെ കാത്തിരിപ്പിനുശേഷം ജനിച്ച കുഞ്ഞാണ്​ മാതാപിതാക്കളുടെ കൺമുന്നിൽ അപകടത്തിൽ മരിച്ചത്​ തിരുവനന്തപുരം: മാതാപിതാക്കൾക്കൊപ്പം ബൈക്കില്‍ സഞ്ചരിച്ച നാലുവയസ്സുകാരന്​ ബസ് കയറി ദാരുണാന്ത്യം. കരകുളം കാച്ചാണി കുന്നൂർശാല വാരിക്കോണത്ത് ശ്രീഹരിയില്‍ ബിജുകുമാറിൻെറയും സജിതയുടെ ഏകമകന്‍ ശ്രീഹരിയാണ് മരിച്ചത്​. ശനിയാഴ്ച വൈകീട്ട് 6.30 ഓടെ പാളയം-ബേക്കറി റോഡിൽ​ മാതാപിതാക്കളുടെ കൺമുന്നിലാണ്​ അപകടം. ഇവര്‍ സഞ്ചരിക്കുകയായിരുന്ന ബൈക്കില്‍ തമ്പാനൂര്‍ ഭാഗത്തേക്ക് പോയ കെ.എസ്.ആര്‍.ടി.സി ബസ് ഇടിക്കുകയായിരുന്നു. ബൈക്കിന് മുന്നിലിരുന്ന ശ്രീഹരി തെറിച്ച് ബസിനടിയില്‍പെട്ടു. ടയറുകള്‍ തലയിലൂടെ കയറിയിറങ്ങി കുഞ്ഞ് തല്‍ക്ഷണം മരിച്ചു. കുഞ്ഞ് അപകടത്തില്‍പെട്ടത്​ കണ്ട് അമ്മ സജിത കുഴഞ്ഞുവീണു. നേരിയ പരിക്കേറ്റ ഇവരെയും കുഞ്ഞിനെയും കണ്ടുനിന്നവര്‍ ഉടന്‍തന്നെ എസ്.എ.ടി ആശുപ്രതിയില്‍ എത്തിച്ചു. പാളയത്തെ ഓഡിറ്റോറിയത്തില്‍ ബന്ധുവി​ൻെറ കല്യാണത്തിന് പോകുംവഴിയായിരുന്നു അപകടം. പെയിൻറിങ്​ പണിക്കാരനായ ബിജുവിനും സജിതക്കും പത്തുവര്‍ഷത്തെ കാത്തിരിപ്പിനുശേഷം ജനിച്ച കുഞ്ഞായിരുന്നു ശ്രീഹരി. file : sreehari