കീഴാറൂര്‍ ഗവ. ഹയര്‍ സെക്കൻഡറി സ്‌കൂള്‍ ജീവകാരുണ്യ പ്രവര്‍ത്തനത്തിന് മാതൃക

വെള്ളറട: കീഴാറൂര്‍ ഗവ. ഹയര്‍ സെക്കൻഡറി സ്‌കൂള്‍ ജീവകാരുണ്യ പ്രവർത്തനങ്ങളുമായി മുന്നോട്ട്​. ഹയര്‍ സെക്കൻഡറി വിഭാഗം സ്‌കൗട്ട്‌സ് ആൻഡ്​ ഗൈഡ്‌സി​ൻെറ നേതൃത്വത്തില്‍ തിരുവനന്തപുരം ജനറല്‍ ആശുപത്രിയിലെ ഒമ്പതാം വാര്‍ഡിലെ രോഗികള്‍ക്കായി സ്വരൂപിച്ച പുതിയ വസ്ത്രങ്ങളും സോപ്പും മറ്റു ഉൽപന്നങ്ങളും ശനിയാഴ്​ച പി.ടി.എ പ്രസിഡൻറ്​ വി. ശ്രീകുമാരന്‍ നായരും പ്രിന്‍സിപ്പൽ ഒ. ലീലയും ചേര്‍ന്ന് ആശുപത്രി സൂപ്രണ്ട് ഡോ. ഷീലക്കും ആർ.എം.ഒ ഡോ. അമിത് കുമാറിനും കൈമാറി. ചീഫ് നഴ്‌സിങ്​ ഓഫിസര്‍ ഉഷാ രാജഗോപാൽ, ഹെഡ് നഴ്‌സിങ്​ ഓഫിസര്‍ ഷീജ, പബ്ലിക് റിലേഷന്‍ ഓഫിസര്‍ ജെസിലറ്റ്, സ്‌കൂള്‍ എസ്.എം.സി ചെയര്‍മാന്‍ ഐ. ഗില്‍ബര്‍ട്ട്, സ്‌കൗട്ട്‌സ് ഓഫിസര്‍ ശ്രീരാഗ്, സ്‌കൗട്ട്‌സ് മാസ്​റ്റര്‍ പ്രിയ, ഗൈഡ്‌സ് മാസ്​റ്റര്‍ ചന്ദ്രപ്രഭ, വിദ്യാർഥി പ്രതിനിധികള്‍ എന്നിവര്‍ പങ്കെടുത്തു. കാപ്​ഷൻ: കീഴാറൂര്‍ ഗവ. ഹയര്‍ സെക്കൻഡറി സ്‌കൂള്‍ സ്‌കൗട്ട്‌സ് ആൻഡ്​ ഗൈഡ്‌സി​ൻെറ നേതൃത്വത്തില്‍ ജനറല്‍ ആശുപത്രിയിലെ ഒമ്പതാം വാര്‍ഡിലെ രോഗികള്‍ക്കായി സ്വരൂപിച്ച സാമഗ്രികൾ പി.ടി.എ പ്രസിഡൻറ്​ വി. ശ്രീകുമാരന്‍ നായരും പ്രിന്‍സിപ്പൽ ഒ. ലീലയും ചേര്‍ന്ന് ആശുപത്രി അധികൃതർക്ക്​ കൈമാറുന്നു