കഞ്ചാവ് കടത്തിയ കേസിലെ പ്രതികൾ പിടിയിൽ

നെടുമങ്ങാട്: എക്സൈസ് ക്രിസ്മസ്-ന്യൂ ഇയർ സ്പെഷൽ ഡ്രൈവിനോടനുബന്ധിച്ച് നടത്തിയ പരിശോധനയിൽ മൂന്നുപേരിൽനിന്ന്​ 2.850 കിലോ കഞ്ചാവ് പിടിച്ചു. ആനാട് ബാങ്ക് ജങ്​ഷനിൽനിന്ന്​ നെട്ടറക്കോണത്തേക്ക് പോകുന്ന റോഡിൽ മഠത്തിൽചിറ ജങ്​ഷനുസമീപത്തുനിന്ന്​ മഠത്തിൽചിറ അജിത്ത് ഭവനിൽ അനന്തുകൃഷ്ണനെ (25) 50 ഗ്രാം കഞ്ചാവുമായി അറസ്​റ്റ്​ ചെയ്തു. ഇയാളിൽനിന്ന്​ ലഭിച്ച വിവരത്തി​ൻെറ അടിസ്ഥാനത്തിൽ കരകുളം ഭാഗത്ത് നടത്തിയ വാഹനപരിശോധനയിൽ കരകുളം പാലം ജങ്​ഷനുസമീപം​െവച്ച് സ്കൂട്ടറിൽ കടത്തിക്കൊണ്ടുവന്ന 2.800 കിലോ കഞ്ചാവ് പിടികൂടി. കഞ്ചാവ്​ കടത്തിയ നെടുമങ്ങാട് കരകുളം പമ്മത്തല പള്ളിച്ചൽ ഗോകുലം വീട്ടിൽ ബിജു എന്ന കമൽരാജ്​ (47), അരുവിക്കര ഇരുമ്പ മരുതംകോട് ചിറത്തലക്കൽ വീട്ടിൽ ഷാജി കുമാർ (41) എന്നിവരെ അറസ്​റ്റ്​ ചെയ്തു. പേരൂർക്കട, ഏണിക്കര, കരകുളം, അഴിക്കോട്, അരുവിക്കര, ഇരുമ്പ എന്നീ സ്ഥലങ്ങളിലെ സ്കൂൾ-കോളജ് വിദ്യാർഥികൾക്ക്​ കഞ്ചാവ്​ വിൽക്കുന്നത്​ ഇവരാണെന്ന്​ കണ്ടെത്തി. ഇവരുടെ പക്കൽനിന്ന്​ കഞ്ചാവ് വിറ്റ്​ ലഭിച്ച 34,800 രൂപയും പിടിച്ചെടുത്തു. നെടുമങ്ങാട് എക്സൈസ് സർക്കിൾ ഇൻസ്പെക്ടർ സുരൂപി​ൻെറ നേതൃത്വത്തിൽ ഇൻസ്പെക്ടർ എസ്.ബി. ആദർശ്, പ്രിവൻറിവ് ഓഫിസർ നാസറുദ്ദീൻ, സിവിൽ എക്സൈസ് ഓഫിസർമാരായ നജ്മുദ്ദീൻ, ഷജിം, ഷജീർ, ശ്രീകാന്ത്, ശ്രീകേഷ്, അധിൽ, വനിത സിവിൽ എക്സൈസ് ഓഫിസർമാരായ രജിത, അശ്വതി എന്നിവരടങ്ങിയ സംഘമാണ് പ്രതികളെ പിടികൂടിയത്. ഫോട്ടോ: കഞ്ചാവ് കടത്ത്​ കേസിൽ പിടിയിലായവർ