കൊല്ലങ്കോട് മുനിസിപ്പാലിറ്റി രൂപവത്​കരണം: പൊതുജനാഭിപ്രായം തേടുന്നു

നാഗർകോവിൽ: കൊല്ലങ്കോട്, ഏഴുദേശം ടൗൺ പഞ്ചായത്തുകളെ യോജിപ്പിച്ച് 33 വാർഡുകളുള്ള കൊല്ലങ്കോട് മുനിസിപ്പാലിറ്റി രൂപവത്​കരിക്കാനും തെങ്കൻ പുതൂർ, ആളൂർ ടൗൺ പഞ്ചായത്ത് എന്നിവയെ നാഗർകോവിൽ കോർപറേഷനിൽ ലയിപ്പിച്ച് 52 വാർഡുകളായി വിപുലീകരിക്കാനുമുള്ള സർക്കാർ ഉത്തരവി​ൻെറ പശ്ചാത്തലത്തിൽ ബന്ധപ്പെട്ട പ്രദേശത്തെ പൊതുജനാഭിപ്രായം തേടാൻ ജില്ല ഭരണകൂടം തീരുമാനിച്ചു. ഇതിനെക്കുറിച്ച് വ്യത്യസ്ത അഭിപ്രായമുള്ളവർ 20ന് നാഗർകോവിൽ കലക്ടർ ഓഫിസിൽ നടക്കുന്ന വാർഡ് പുനർനിർണയ കമീഷനിൽ നേരിട്ടോ എഴുത്ത് മുഖേനയോ പരാതി നൽകണമെന്ന് ജില്ല കലക്ടർ എം. അരവിന്ദ് അറിയിച്ചു.