ഡീസൻറ്മുക്കിൽ മോഷണം: രണ്ട് പവനും പണവും കവർന്നു

കല്ലമ്പലം: നാവായിക്കുളത്ത് വീടി​ൻെറ വാതിൽ തകർത്ത് രണ്ട് പവനും നാലായിരംരൂപയും കവർന്നു. ഡീസൻറ്​മുക്ക് ദാറുൽ ബാസിതിൽ ഷഹീൻഷായുടെ വീട്ടിൽ ശനിയാഴ്ച പുലർച്ച മൂന്നിനായിരുന്നു മോഷണം. അലമാരയിലിരുന്ന രണ്ട്​ പവനും 4000 രൂപയും കവർന്നതായി വീട്ടുകാർ കല്ലമ്പലം പൊലീസിൽ നൽകിയ പരാതിയിൽ പറയുന്നു. ഷഹീൻ ഷായുടെ ഭാര്യയും രണ്ടും കുട്ടികളും മാത്രമാണ് വീട്ടിലുണ്ടായിരുന്നത്. ശബ്​ദംകേട്ട് ഇവർ ഉണർന്നെങ്കിലും ഭീതികൊണ്ട് ബഹളം ഉണ്ടാക്കുകയോ എഴുന്നേൽക്കാൻ ശ്രമിക്കുകയോ ചെയ്തില്ല. വീട്ടുകാർ ഉണർന്നതായി സംശയം തോന്നിയ മോഷ്​ടാക്കൾ കൈയിൽ കിട്ടിയതുമായി കടക്കുകയായിരുന്നു. ഷഹീൻഷാ വിദേശത്താണ്.