ലോക അറബിക്​ ഭാഷ ദിനം ആചരിച്ചു

തിരുവനന്തപുരം: മനാറുൽഹുദ ട്രസ്​റ്റി​ൻെറ കീഴിലെ നാഷനൽ കോളജ് ഓഫ് അഫ്​ദലുൽ ഉലമ അന്താരാഷ്​ട്ര അറബിക്​ ഭാഷാദിനം ആചരിച്ചു. ഡോ. എസ്.എ. ഷാജഹാൻ പരിപാടി ഉദ്ഘാടനം ചെയ്തു. യൂനിവേഴ്സിറ്റി പരീക്ഷയിൽ ഉന്നത വിജയം കരസ്ഥമാക്കിയ കുട്ടികൾക്ക് അവാർഡ് ദാനം നിർവഹിച്ചു. അഫ്​ദലുൽ ഉലമ പ്രിൻസിപ്പൽ വി.എ. നസീമ അധ്യക്ഷത വഹിച്ചു. നാഷനൽ കോളജ് അസിസ്​റ്റൻറ്​ പ്രഫസർ എ. ഉബൈദ്, അഫ്​ദലുൽ ഉലമ മുൻ പ്രിൻസിപ്പൽ സുമയ്യ കൊച്ചുകലുങ്ങ്, വൈസ് പ്രിൻസിപ്പൽ എ. സറീന ബീവി, അധ്യാപകരായ സൈനബ, നസീമ ബീവി, സമീറ, സ്ഥാപന ലീഡർ ആയിഷ തുടങ്ങിയവർ സംസാരിച്ചു.