കൗൺസിലറെ മർദിച്ചതായി പരാതി

കഴക്കൂട്ടം: തിരുവനന്തപുരം കോർപറേഷനിലെ ചന്തവിള വാർഡ് കൗൺസിലർ ബിനുവിനെ ഒരു സംഘം വഴിയിൽ തടഞ്ഞ് മർദിച്ചതായി പരാതി. കണിയാപുരം മസ്താൻമുക്ക് സ്വദേശികളാണ് മർദിച്ചതെന്നുകാട്ടി ബിനു പൊലീസിൽ പരാതി നൽകി. ശനിയാഴ്​ച വൈകീട്ട് അഞ്ചിനാണ് സംഭവം. കൗൺസിലറുൾപ്പെടെയുള്ള നാല് പേർ കണിയാപുരം പള്ളിനടയിൽ കാറിൽ എത്തിയപ്പോൾ അഞ്ചംഗസംഘം മർദിച്ചു എന്നാണ് പരാതി. മംഗലപുരം പോലീസ് കേസെടുത്ത് അ​ന്വേഷണം ആരംഭിച്ചു.