സ്വയംതൊഴിൽ സംരംഭം ഉദ്ഘാടനം ചെയ്തു

കിളിമാനൂർ: കിളിമാനൂർ ബ്ലോക്ക് പഞ്ചായത്തിൽ 2021-2022 വാർഷിക പദ്ധതിയിൽ ഉൾപ്പെടുത്തി വനിതാസംഘങ്ങൾക്ക് സ്വയം തൊഴിൽ സംരംഭം ആരംഭിച്ചു. ബ്ലോക്ക് പഞ്ചായത്ത് മൂന്ന് ലക്ഷം രൂപ സംബ്സിഡി നൽകിയാണ് പദ്ധതി നടപ്പാക്കുന്നത്. കിളിമാനൂർ തോപ്പിൽ ജങ്ഷനിൽ ആരംഭിച്ച ജനസേവന കേന്ദ്രം ബ്ലോക്ക് പഞ്ചായത്ത് പ്രസിഡൻറ് ബി.പി. മുരളി ഉദ്ഘാടനം ചെയ്തു. ബ്ലോക്ക് ഡിവിഷൻ മെംബർ ബൻഷ ബഷീർ അധ്യക്ഷത വഹിച്ചു. പഞ്ചായത്ത് പ്രസിഡൻറ് ടി.ആർ. മനോജ് മുഖ്യപ്രഭാഷണം നടത്തി. ജുമലത് വിഷയാവതരണം നടത്തി. എം. ജയകാന്ത്, കൊട്ടറ മോഹൻകുമാർ, ശ്രീജറാണി, ഗീതാകുമാരി, ജി. ബിന്ദു എന്നിവർ സംസാരിച്ചു.