ഭക്ഷ്യ കിറ്റുകൾ ഒരുക്കി മദ്റസ അധ്യാപക സഹായസമിതി

വർക്കല: വിശുദ്ധിയുടെ നിറവിൽ നൂറുകണക്കിന് മദ്റസ അധ്യാപകർക്കും നിർധനർക്കും ഭക്ഷ്യ ധാന്യ കിറ്റുകൾ ഒരുക്കി മദ്റസ അധ്യാപക സഹായ സമിതി. വർക്കല നരിക്കൽ മുക്കിൽ സ്റ്റേറ്റ് കമ്മിറ്റി ഓഫിസിൽ ചേർന്ന റിലീഫ് ക്യാമ്പ് അഡ്വ.വി. ജോയ് എം.എൽ.എ ഉദ്ഘാടനം ചെയ്തു. പലച്ചിറ ജമാഅത്ത്​ ഇമാം അഹ്മദ് കബീർ മാന്നാനി പ്രാർഥനക്ക് നേതൃത്വം നൽകി. മദ്റസ അധ്യാപക സംസ്ഥാന ജനറൽ സെക്രട്ടറി നിസാമുദ്ദീൻ മൗലവി സ്വാഗതം ആശംസിച്ചു. ചെറുന്നിയൂർ ഗ്രാമ പഞ്ചായത്ത് വൈസ് പ്രസിഡൻറ് തൻസീൽ, കുറ്റിച്ചൽ അഷ്‌റഫ്‌, പാവല്ല നജീബ് റഷാദി, വട​​ശ്ശേരിക്കോണം നസീർ മുസ്​ലിയാർ, പൂന്തുറ അബൂത്വാഹിർ മന്നാനി എന്നിവർ സംസാരിച്ചു. തിരുവനന്തപുരം ജില്ല പൂവച്ചൽ ഏരിയ റമദാൻ റിലീഫ് പള്ളി​വേട്ട ജമാഅത്തിൽ നടന്നു. സ്റ്റേറ്റ് കമ്മിറ്റി കൺവീനറും പള്ളിവേട്ട ചീഫ് ഇമാമുമായ കടയ്​ക്കൽ ഷിഹാബുദ്ദീൻ മൗലവി ഉദ്​ഘാടനം ചെയ്തു. അനസ് പേഴുംമൂട് അധ്യക്ഷതവഹിച്ചു.