ജീവചരിത്രങ്ങൾ കാലഘട്ടത്തിന്‍റെ കണ്ണാടി -ഉമ്മൻ ചാണ്ടി

തിരുവനന്തപുരം: നല്ല ജീവചരിത്രങ്ങളും ഓർമക്കുറിപ്പുകളും ഒരു കാലഘട്ടത്തിന്‍റെ കണ്ണാടിയാണെന്ന്​ ഉമ്മൻ ചാണ്ടി. ഡോ. എം.ആർ. തമ്പാൻ രചിച്ച ഹരിതം ബുക്സ്​ പ്രസിദ്ധീകരിച്ച 'ഓർമകളുടെ ഓളങ്ങളിൽ' എന്ന കൃതി സൂര്യ കൃഷ്ണമൂർത്തിക്ക്​ നൽകി പ്രകാശനം ചെയ്യുകയായിരുന്നു അദ്ദേഹം. എം.എം.ഹസൻ അധ്യക്ഷത വഹിച്ചു. പാലോട്​ രവി, ശരത്​ചന്ദ്രപ്രസാദ്​, ഡോ. വിളക്കുടി രാജേന്ദ്രൻ, രാജീവ്​ ഗോപാലകൃഷ്ണൻ, സുദർശനൻ കാർത്തികപ്പറമ്പിൽ, പ്രതാപൻ തായാട്ട്​, എൻ. ബാലഗോപാൽ, ജയശ്രീകുമാർ, സിന്ധു എന്നിവർ സംസാരിച്ചു.