ആനാട് ഫാർമേഴ്സ് ബാങ്ക് എൽ.ഡി.എഫ് തെരഞ്ഞെടുപ്പ് കൺവെൻഷൻ

നെടുമങ്ങാട്: ആനാട് ഫാർമേഴ്സ് സഹകരണ ബാങ്ക് തെരഞ്ഞെടുപ്പ് കൺവെൻഷൻ സി.പി.എം ജില്ല സെക്രട്ടറി ആനാവൂർ നാഗപ്പൻ ഉദ്ഘാടനം ചെയ്തു. രാഷ്ട്രീയ എതിരാളികൾപോലും ഇടതുപക്ഷത്തിന്‍റെ സഹകരണ നയത്തിനൊപ്പം നിൽക്കുമെന്ന് അദ്ദേഹം പറഞ്ഞു. സി.പി.ഐ ജില്ല എക്സി. അംഗം പാട്ടത്തിൽ ഷൗക്കത്ത് അധ്യക്ഷതവഹിച്ചു. മന്ത്രി അഡ്വ. ജി.ആർ. അനിൽ, സി.പി.ഐ ജില്ല സെക്രട്ടറി മാങ്കോട് രാധാകൃഷ്ണൻ, വേങ്കവിള സജി, എം.ജി. ധനീഷ്, കോലിയക്കോട് കൃഷ്ണൻനായർ, ബി.പി. മുരളി, അഡ്വ. ആർ. ജയദേവൻ, പി. ഹരികേശൻ നായർ, ടി. പത്മകുമാർ, നന്ദിയോട് സുഭാഷ് ചന്ദ്രൻ എന്നിവർ സംസാരിച്ചു. ബാങ്ക് പ്രസിഡൻറ് ആർ. രാജേന്ദ്രൻ സ്വാഗതം പറഞ്ഞു. 15 അംഗ എൽ.ഡി.എഫ് പാനലിൽ സി.പി.ഐ -4, സി.പി.എം-10, എൻ.സി.പി -1 പ്രതിനിധികൾ വീതമാണ് മത്സര രംഗത്തുള്ളത്. ഫോട്ടോ : ആനാട്​ ഫാർമേഴ്സ്ബാങ്ക് എൽ.ഡി.എഫ് തെരഞ്ഞെടുപ്പ് കൺവെൻഷൻ സി.പി.എം ജില്ല സെക്രട്ടറി ആനാവൂർ നാഗപ്പൻ ഉദ്ഘാടനം ചെയ്യുന്നു