എട്ട് ടൺ റേഷനരി പിടികൂടി

കുഴിത്തുറ: പൊലീസിന്‍റെ വാഹന പരിശോധനയിൽ എട്ട് ടൺ റേഷനരിയുമായി വന്ന വാഹനം കുഴിത്തുറയിൽ വെച്ച് പിടികൂടി. ഡ്രൈവർ പെരുഞ്ചിലമ്പ് സ്വദേശി ദിനേഷ് കുമാറിനെ കസ്റ്റഡിയിലെടുത്തു. തൂത്തുക്കുടിയിൽനിന്ന് റേഷനരിയുമായി കാട്ടാക്കടയിലേക്ക്​ പോകുകയായിരുന്നു വാഹനം. പിടിച്ചെടുത്ത എട്ട് ടൺ അരി സിവിൽ സപ്ലൈസ് സി.ഐ.ഡി വിഭാഗത്തെ ഏൽപിച്ചു. കളിയിക്കാവിള എസ്.ഐ ചിന്താമണിയുടെ നേതൃത്വത്തിലാണ് അരി പിടികൂടിയത്.