യൂനിവേഴ്സിറ്റി: കുറ്റക്കാർക്കെതിരെ ശക്തമായ നടപടി സ്വീകരിക്കണം -പി.ഡി.പി

തിരുവനന്തപുരം: കേരള ബി.എ പൊളിറ്റിക്കൽ സയൻസ് ഉത്തര സൂചികയിൽ പി.ഡി.പിയെ തീവ്രവാദ സംഘടനയായി ചിത്രീകരിച്ചത് ഫാഷിസ്റ്റ് സംഘ്പരിവാർ ശക്തികളുടെ ഗൂഢതന്ത്രമാണെന്ന് പി.ഡി.പി വൈസ് ചെയർമാൻ വർക്കല രാജ് അഭിപ്രായപ്പെട്ടു. യൂനിവേഴ്സിറ്റി ഓഫിസിലേക്ക് പി.ഡി.പി ജില്ല കമ്മിറ്റി നടത്തിയ പ്രതിഷേധ മാർച്ച് ഉദ്​ഘാടനം ചെയ്യുകയായിരുന്നു അദ്ദേഹം. പാർട്ടി ജില്ല പ്രസിഡന്റ് ഷാഫി നദ്‌വി അധ്യക്ഷതവഹിച്ചു.