ഭരണകൂടങ്ങൾ ജനങ്ങളുടെ മേൽ കൂടുതൽ ഭാരം അടിച്ചേൽപിക്കരുത്​ -ജ.​ കെമാൽ പാഷ

തിരുവനന്തപുരം: അധികാരത്തിന്‍റെ മറവിൽ ഭരണകൂടങ്ങൾ ജനങ്ങളുടെമേൽ കൂടുതൽ ഭാരം അടിച്ചേൽപിക്കുന്നത് ശരിയല്ലെന്നും പാവപ്പെട്ടവരെ കരുതാത്ത തീരുമാനങ്ങൾ ഒഴിവാക്കണമെന്നും ഹൈ​കോടതി മുൻ ജഡ്​ജസ്​ ജസ്​റ്റിസ്​ കെമാൽ പാഷ. അബ്ദുല്ല മുതലാളി സ്​മാരക ഫൗണ്ടേഷൻ ഏർപ്പെടുത്തിയ മികച്ച പൊതുപ്രവർത്തകനുള്ള പുരസ്​കാരം യു.ഡി.എഫ് കൺവീനർ എം.എം. ഹസനിൽനിന്ന്​ സ്വീകരിച്ച്​ സംസാരിക്കുകയായിരുന്നു അദ്ദേഹം. ഫൗണ്ടേഷൻ ചെയർമാൻ പ്രഫ. എ. നസീമുദ്ദീൻ അധ്യക്ഷതവഹിച്ചു. അബ്ദുല്ല മുതലാളിയുടെ ജീവിതവും സംഭാവനകളും വിശദമാക്കുന്ന ഡോക്യുമെന്‍ററിയുടെ പ്രകാശനം അടൂർ പ്രകാശ് എം.പി നിർവഹിച്ചു. 'പ്രകൃതി' സംഘടന ഫൗണ്ടേഷൻ ഗ്രന്ഥശാലക്കായി സമ്മാനിച്ച ഗ്രന്ഥശേഖരം പത്തനാപുരം ഗാന്ധിഭവൻ സ്ഥാപകൻ ഡോ. പുനലൂർ സോമരാജൻ ഏറ്റുവാങ്ങി. ഡി.സി.സി പ്രസിഡന്‍റ്​ പാലോട്​ രവി കെ. ശങ്കരനാരായണപിള്ള അനുസ്​മരണ പ്രഭാഷണം നിർവഹിച്ചു. മികച്ച നേട്ടങ്ങൾ കൈവരിച്ചവർക്കുള്ള മറ്റ്​ പുരസ്​കാരങ്ങളും സമ്മേളനത്തിൽ വിതരണം ചെയ്തു. എ. അബ്ദുൽ കലാം, ഡോ. കായംകുളം യുനൂസ്​, വക്കം സുകുമാരൻ, പിരപ്പൻകോട് സുഭാഷ്, ചാന്നാങ്കര എം.പി. കുഞ്ഞ്, സി.വി. സുരേന്ദ്രൻ, ജി. ലെവിൻ, വക്കം ഷക്കീർ, വക്കം പഞ്ചായത്ത് പ്രസിഡന്‍റ്​ എ. താജുന്നിസ എന്നിവർ സംസാരിച്ചു. ചിത്രം: kemal pasha കാപ്​ഷൻ: അബ്ദുല്ല മുതലാളി സ്​മാരക പുരസ്​കാരം യു.ഡി.എഫ്​ കൺവീനർ എം.എം. ഹസൻ ജസ്റ്റിസ് ​കെമാൽ പാഷക്ക്​ സമ്മാനിക്കുന്നു