ഡോക്ടർമാരുടെ നിൽപ് 12ാം നാളിലേക്ക്​; സമരം കടുപ്പിച്ചേക്കും

തിരുവനന്തപുരം: ശമ്പള പരിഷ്കരണത്തിൽ അടിസ്ഥാന ശമ്പളവും മറ്റ്​ ആനുകൂല്യങ്ങളും വെട്ടിക്കുറച്ചതിനെതിരെ സർക്കാർ ഡോക്ടർമാർ സെക്രട്ടേറിയറ്റ് പടിക്കൽ നടത്തുന്ന നിൽപ് സമരം 12ാം ദിവസത്തിലേക്ക്​. ശമ്പള പരിഷ്കരണത്തിലെ അപാകതകൾ പരിഹരിക്കാൻ സമരക്കാർ മുന്നോട്ടു​െവച്ച ആവശ്യങ്ങൾക്ക് പരിഹാരമുണ്ടാകാത്ത സാഹചര്യത്തിൽ തുടർനടപടി തീരുമാനിക്കാൻ കെ.ജി.എം.ഒ.എ സംസ്ഥാന സമിതി ഞായറാഴ്​ച ചേരും. നിൽപ് സമരത്തി​ൻെറ പതിനൊന്നാം ദിവസം കോഴിക്കോട് ജില്ല കമ്മിറ്റിയുടെ നേതൃത്വത്തിലാണ് പ്രതിഷേധം നടന്നത്. കെ.ജി.എം.ഒ.എ സംസ്ഥാന മുന്‍ പ്രസിഡൻറ്​ ഡോ. ഒ.എസ്. ശ്യാം സുന്ദർ ഉദ്ഘാടനം ചെയ്തു. സംസ്ഥാന ജനറൽ സെക്രട്ടറി ഡോ. ടി.എൻ. സുരേഷ്, ഡോ. എം.എ. ഷാറോൺ, ജില്ല സെക്രട്ടറി ഡോ. വിപിൻ വർക്കി, ഡോ. സി.കെ. ഷാജി, ഡോ. പി.എസ്.​ സുനിൽകുമാർ, ഡോ. ടി. രേണുക, ഡോ. ജമീൽ ഷാജിർ, ഡോ. ജ്യോതിമോൾ, ഡോ. അബ്​ദുൽ അസീസ്, ഡോ. എൻ.എച്ച്.​ ബബി, ഡോ. കെ.എസ്.​ രാജീവ്, ഡോ. മുനവർ റഹ്​മാൻ, ഡോ. യു.പി. നൗഷാദ് എന്നിവർ സംസാരിച്ചു.