പാ​ള​യ​ത്ത് ബസ്​ സ്​റ്റോപ് മാറ്റം; സമ്മിശ്ര പ്രതികരണം

തി​രു​വ​ന​ന്ത​പു​രം: തി​ര​ക്ക്​ നി​യ​ന്ത്രി​ക്കാ​ൻ പാ​ള​യ​ത്ത്​ പ​രീ​ക്ഷ​ണാ​ടി​സ്ഥാ​ന​ത്തി​ൽ ബ​സ്​ സ്​​റ്റോ​പ്​ മാ​റ്റം. പാ​ള​യം ക്രി​സ്ത്യ​ൻ പ​ള്ളി​ക്ക്(​​​സെ​ന്‍റ്​ ജോ​സ​ഫ്​ ക​ത്തീ​ഡ്ര​ൽ) എ​തി​ർ​വ​ശ​ത്ത്,​ ച​ന്ദ്ര​ശേ​ഖ​ര​ൻ നാ​യ​ർ സ്​​റ്റേ​ഡി​യ​ത്തി​ന്‍റെ മ​തി​ലി​നോ​ട്​ ചേ​ർ​ന്നു​ള്ള ബ​സ്​ സ്റ്റോ​പ്പി​ൽ ഇ​നി നി​ർ​ത്തു​ക പ​ട്ടം ഭാ​ഗ​ത്തേ​ക്കു​ള്ള ബ​സു​ക​ൾ മാ​ത്രം.

വെ​ള്ള​യ​മ്പ​ലം-​പേ​രൂ​ർ​ക്ക​ട, വെ​ള്ള​യ​മ്പ​ലം -വ​ട്ടി​യൂ​ർ​ക്കാ​വ് വ​ഴി പോ​കു​ന്ന ബ​സു​ക​ൾ തി​ങ്ക​ളാ​ഴ്ച മു​ത​ൽ ഒ​രു മാ​സ​ത്തേ​ക്ക്​ പാ​ള​യം പ​ബ്ലി​ക് ലൈ​ബ്ര​റി​ക്ക് എ​തി​രെ​യു​ള്ള ഹോ​ർ​ട്ടി​കോ​ർ​പി​നു മു​ന്നി​ലെ ബ​സ് സ്റ്റോ​പ്പി​ലാ​ണ്​ നി​ർ​ത്തു​ക. ഗ​താ​ഗ​ത​ക്കു​രു​ക്ക് രൂ​ക്ഷ​മാ​ണെ​ന്ന പ​രാ​തി​ക​ളെ തു​ട​ർ​ന്ന്​ തി​രു​വ​ന​ന്ത​പു​രം ചീ​ഫ് സോ​ണ​ൽ ട്രാ​ഫി​ക് ഓ​ഫി​സ​ർ ജേ​ക്ക​ബ് സാം ​ലോ​പ്പ​സി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ലാ​ണ്​ തീ​രു​മാ​നം.

പാ​ള​യ​ത്ത്​ വ​ലി​യ​തോ​തി​ലു​ള്ള തി​ര​ക്ക്​ പ​തി​വാ​ണ്. സ്കൂ​ൾ, ഓ​ഫി​സ്​ പ്ര​വ​ർ​ത്ത​നം തു​ട​ങ്ങു​ക​യും അ​വ​സാ​നി​ക്കു​ക​യും ചെ​യ്യു​ന്ന സ​മ​യ​ത്ത്​ വ​ലി​യ തി​ര​ക്കും​ അ​പ​ക​ട സാ​ധ്യ​ത​യു​മു​ള്ള പ്ര​ദേ​ശ​മാ​ണി​ത്. ഓ​ണം തു​ട​ങ്ങി​യ​തോ​ടെ തി​ര​ക്ക്​ ഇ​ര​ട്ടി​യാ​യി. രാ​വി​ലെ ആ​റു​മു​ത​ൽ രാ​ത്രി എ​ട്ടു​വ​രെ​യു​ള്ള സ​മ​യ​ത്ത്​ ആ​കെ 624 ബ​സു​ക​ളാ​ണ് വെ​ള്ള​യ​മ്പ​ലം-​പേ​രൂ​ർ​ക്ക​ട, വെ​ള്ള​യ​മ്പ​ലം-​വ​ട്ടി​യൂ​ർ​ക്കാ​വ് ഭാ​ഗ​ത്തേ​ക്ക്​ പോ​കു​ന്ന​ത്. ഇ​തി​ൽ 524 ബ​സു​ക​ൾ കെ.​എ​സ്.​ആ​ർ.​ടി.​സി​യു​ടേ​താ​ണ്. ഇ​ത്ര​യും ബ​സു​ക​ൾ ഒ​ഴി​യു​ന്ന​തോ​ടെ പാ​ള​യ​ത്തെ കു​രു​ക്ക്​ അ​ഴി​യു​മെ​ന്നാ​ണ്​ പ്ര​തീ​ക്ഷ. ര​ണ്ടി​ട​ത്തും ജ​ന​ത്തി​ന്‍റെ ശ്ര​ദ്ധ​യാ​ക​ർ​ഷി​ക്കു​ന്ന വി​ധ​ത്തി​ൽ ബോ​ർ​ഡ് സ്ഥാ​പി​ക്കും. ദി​വ​സ​വും രാ​വി​ലെ ആ​റു​മു​ത​ൽ രാ​ത്രി എ​ട്ടു​വ​രെ യാ​ത്ര​ക്കാ​രെ സ​ഹാ​യി​ക്കാ​ൻ പാ​ള​യം ബ​സ് സ്റ്റോ​പ്പി​ൽ കെ.​എ​സ്.​ആ​ർ.​ടി.​സി ഇ​ൻ​സ്പെ​ക്ട​ർ, ട്രാ​ഫി​ക് പൊ​ലീ​സ് എ​ന്നി​വ​രെ നി​യോ​ഗി​ക്കും. പാ​ള​യ​ത്ത്​ ബ​സ്​ ഷെ​ൽ​റ്റ​ർ നി​ർ​മി​ക്കാ​ൻ എം.​എ​ൽ.​എ​ക്കും റോ​ഡ് ഫ​ണ്ട് ബോ​ർ​ഡ്, തി​രു​വ​ന​ന്ത​പു​രം കോ​ർ​പ​റേ​ഷ​ൻ എ​ന്നി​വ​ക്ക് ക​ത്ത് ന​ൽ​കാ​നും തീ​രു​മാ​ന​മാ​യി.

ഹോ​ർ​ട്ടി​കോ​ർ​പ്​ ബ​സ് സ്റ്റോ​പ്​ ഒ​രേ സ​മ​യം നാ​ലു ബ​സു​ക​ൾ പാ​ർ​ക്ക് ചെ​യ്യാ​ൻ വ​ലു​പ്പ​മു​ള്ള​താ​ണ്. സ്​​റ്റോ​പ്​ മാ​റ്റ​ത്തി​ൽ സ​മ്മി​ശ്ര പ്ര​തി​ക​ര​ണ​മാ​ണ്​ ജ​ന​ത്തി​നു​ള്ള​ത്. നി​ല​വി​ൽ യൂ​നി​വേ​ഴ്​​സി​റ്റി​യി​ലോ പാ​ള​യം മാ​ർ​ക്ക​റ്റി​ലോ വ​ന്നു​പോ​കു​ന്ന​വ​ർ​ക്ക്​ 200 മീ​റ്റ​ർ കൂ​ടി മു​ന്നോ​ട്ട്​ ന​ട​ന്നാ​ലേ ഹോ​ർ​ട്ടി കോ​ർ​പ്​ സ്​​​റ്റോ​പ്പി​ലെ​ത്താ​ൻ ക​ഴി​യൂ. സ്റ്റാ​ച്യൂ​വി​ലേ​ക്കും ഏ​താ​ണ്ട്​ തു​ല്യ ദൂ​ര​മാ​ണ്. ബ​സു​ക​ൾ ഒ​ഴി​ഞ്ഞാ​ൽ ​മൊ​ത്ത​ത്തി​ൽ റോ​ഡ്​ ഗ​താ​ഗ​തം സു​ഗ​മ​മാ​കു​മെ​ന്ന്​ ക​രു​തു​ന്ന കു​റേ​പ്പേ​രു​ണ്ട്.