അനന്തു കൊലക്കേസ്: അന്വേഷണ ഉദ്യോഗസ്ഥന് കോടതിയുടെ കാരണംകാണിക്കൽ നോട്ടീസ്

തി​രു​വ​ന​ന്ത​പു​രം: കൊ​ഞ്ചി​റ​വി​ള സ്വ​ദേ​ശി അ​ന​ന്തു ഗി​രീ​ഷി​നെ മ​ർ​ദി​ച്ച്​ കൊ​ല​പ്പെ​ടു​ത്തി​യ കേ​സ്​ അ​ന്വേ​ഷി​ക്കു​ന്ന ഉ​ദ്യോ​ഗ​സ്ഥ​ന് കോ​ട​തി​യു​ടെ കാ​ര​ണം കാ​ണി​ക്ക​ൽ നോ​ട്ടീ​സ്. കേ​സി​ൽ തു​ട​ര​ന്വേ​ഷ​ണ​ത്തി​ന് ഉ​ത്ത​ര​വ് ന​ൽ​കി ഒ​ന്ന​ര വ​ർ​ഷം ക​ഴി​ഞ്ഞി​ട്ടും റി​പ്പോ​ർ​ട്ട് സ​മ​ർ​പ്പി​ക്കാ​ത്ത​താ​ണ് കോ​ട​തി​യെ ചൊ​ടി​പ്പി​ച്ച​ത്.

തി​രു​വ​ന​ന്ത​പു​രം സി​റ്റി പൊ​ലീ​സ് ക​മീ​ഷ​ണ​ർ മു​ഖേ​ന നോ​ട്ടീ​സ് ന​ൽ​കാ​നാ​ണ്​ നി​ർ​ദേ​ശം. ഫോ​ർ​ട്ട് അ​സി​സ്​​റ്റ​ൻ​റ്​ ക​മീ​ഷ​ണ​ർ​ക്കാ​ണ് അ​ന്വേ​ഷ​ണ ചു​മ​ത​ല. തി​രു​വ​ന​ന്ത​പു​രം പ്രി​ൻ​സി​പ്പ​ൽ സെ​ഷ​ൻ​സ് ജ​ഡ്‌​ജി പി. ​കൃ​ഷ്ണ​കു​മാ​റി​​െൻറ​താ​ണ്​ ഉ​ത്ത​ര​വ്. സ്‌​പെ​ഷ​ൽ പ്രോ​സി​ക്യൂ​ട്ട​ർ ഹാ​ജ​രാ​കാ​നും കോ​ട​തി നി​ർ​ദേ​ശം ന​ൽ​കി.

കൊ​ല​പാ​ത​കം ന​ട​ന്ന്​ 70 ദി​വ​സ​ത്തി​നു​ള്ളി​ൽ അ​ന്വേ​ഷ​ണ​സം​ഘം കോ​ട​ത​ിയി​ൽ കു​റ്റ​പ​ത്രം സ​മ​ർ​പ്പി​ച്ചി​രു​ന്നു. തു​ട​ർ​ന്ന് വി​ചാ​ര​ണ​ന​ട​പ​ടി​ക​ൾ ആ​രം​ഭി​ച്ചെ​ങ്കി​ലും കു​റ്റ​പ​ത്ര​ത്തി​ൽ പോ​രാ​യ്‌​മ​ക​ളു​ണ്ടെ​ന്ന പ്രോ​സി​ക്യൂ​ഷ​ൻ ക​ണ്ടെ​ത്ത​ലി​നെ തു​ട​ർ​ന്ന് കോ​ട​തി അ​ന്വേ​ഷ​ണ ഉ​ദ്യോ​ഗ​സ്ഥ​െൻറ ആ​വ​ശ്യ​പ്ര​കാ​രം 2020 ഫെ​ബ്രു​വ​രി എ​ട്ടി​ന്​ തു​ട​ര​ന്വേ​ഷ​ത്തി​ന് ഉ​ത്ത​ര​വ് ന​ൽ​കി. കു​റ്റ​പ​ത്രം സ​മ​ർ​പ്പി​ക്കാ​ൻ കാ​ണി​ച്ച തി​ടു​ക്കം അ​ന്വേ​ഷ​ണ​സം​ഘം തു​ട​ര​ന്വേ​ഷ​ണ റി​പ്പോ​ർ​ട്ട് സ​മ​ർ​പ്പി​ക്കു​ന്ന​തി​ൽ കാ​ട്ടി​യി​ല്ലെ​ന്ന നി​രീ​ക്ഷ​ണ​വും കോ​ട​തി ന​ട​ത്തി.

2019 മാ​ർ​ച്ച് 12നാ​ണ് കേ​സി​നാ​സ്​​പ​ദ​മാ​യ സം​ഭ​വം. പ്ര​തി​ക​ൾ അ​ന​ന്തു ഗി​രീ​ഷി​നെ ത​ട്ടി​ക്കൊ​ണ്ടു​പോ​യി കൈ​മ​ന​ത്തി​ന്​ സ​മീ​പ​ത്തെ ആ​ളൊ​ഴി​ഞ്ഞ സ്ഥ​ല​ത്തെ​ത്തി​ച്ച്​ അ​തി​ക്രൂ​ര​മാ​യി കൊ​ല​പ്പെ​ടു​ത്തി​യെ​ന്നാ​ണ്​ കേ​സ്. കൊ​ഞ്ചി​റ​വി​ള ക്ഷേ​ത്രോ​ത്സ​വ​ത്തി​നി​ടെ പ്ര​ധാ​ന പ്ര​തി​യു​ടെ സ​ഹോ​ദ​ര​നെ അ​ന​ന്തു ഉ​ൾ​െ​പ്പ​ട്ട സം​ഘം മ​ർ​ദി​ച്ച​ത്തി​ലു​ള്ള വൈ​രാ​ഗ്യ​മാ​ണ്​ കൊ​ല​പാ​ത​ക കാ​ര​ണ​മെ​ന്ന്​ പൊ​ലീ​സ്​ ക​ണ്ടെ​ത്തി.

വി​ഷ്‌​ണു​രാ​ജ്, ഹ​രി​ലാ​ൽ, ബാ​ലു എ​ന്ന കി​ര​ൺ കൃ​ഷ്‍ണ​ൻ, വി​നീ​ത് എ​ന്ന വി​നീ​ഷ് രാ​ജ്, കു​ട്ട​പ്പ​ൻ എ​ന്ന അ​നീ​ഷ്, അ​പ്പു എ​ന്ന അ​ഖി​ൽ, കു​ഞ്ഞു​വാ​വ എ​ന്ന വി​ജ​യ​രാ​ജ്, ശ​ര​ത്ത് കു​മാ​ർ, മു​ഹ​മ്മ​ദ് റോ​ഷ​ൻ, സു​മേ​ഷ്, കു​ട്ട​ൻ എ​ന്ന അ​രു​ൺ ബാ​ബു, അ​ഭി​ലാ​ഷ്, മാ​രി എ​ന്ന രാം​കാ​ർ​ത്തി​ക്, വി​പി​ൻ രാ​ജ് എ​ന്നി​വ​രാ​ണ് പ്ര​തി​ക​ൾ.