'ഫിറ്റ്നസ്' ഇല്ലാതെ അംഗന്‍വാടികൾ

വ​ലി​യ​തു​റ: ഭൂ​രി​പ​ക്ഷം അം​ഗ​ന്‍വാ​ടി​ക​ളും തു​റ​ന്ന​ത്​ ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ ഫി​റ്റ്ന​സ് സ​ര്‍ട്ടി​ഫി​ക്ക​റ്റു​ക​ളി​ല്ലാ​തെ. ത​ദ്ദേ​ശ​വ​കു​പ്പ് എ​ൻ​ജി​നീ​യ​റോ ഓ​വ​ര്‍സി​യ​റോ വാ​ട​ക​ക്കെ​ട്ടി​ട​ങ്ങ​ളി​ല്‍ പ്ര​വ​ര്‍ത്തി​ക്കു​ന്ന​ത​ട​ക്കം എ​ല്ലാ അം​ഗ​ൻ​വാ​ടി​ക​ളു​ടെ​യും സു​ര​ക്ഷ പ​രി​ശോ​ധി​ച്ച് ഫി​റ്റ്ന​സ് സ​ര്‍ട്ടി​ഫി​ക്ക​റ്റ് ന​ല്‍ക​ണ​മെ​ന്നും ഇ​വ​യി​ല്ലാ​ത്ത കെ​ട്ടി​ട​ങ്ങ​ളി​ല്‍ അം​ഗ​ൻ​വാ​ടി​ക​ള്‍ പ്ര​വ​ര്‍ത്തി​ക്കാ​ന്‍ പാ​ടി​ല്ലെ​ന്നു​ള്ള സാ​മൂ​ഹി​ക​നീ​തി​വ​കു​പ്പി​ന്‍റെ നി​ര്‍ദേ​ശം കാ​റ്റി​ല്‍പ​റ​ത്തി​യാ​ണ് തി​ങ്ക​ളാ​ഴ്ച മു​ത​ല്‍ ജി​ല്ല​യി​ലെ ബ​ഹു​ഭൂ​രി​പ​ക്ഷം അം​ഗ​ന്‍വാ​ടി​ക​ളും കു​രു​ന്നു​ക​ളെ എ​തി​രേ​റ്റ​ത്.

കോ​വി​ഡി​ന് തൊ​ട്ടു​മു​മ്പ് ലോ​ക്ക​ല്‍ ഫ​ണ്ട് അ​ക്കൗ​ണ്ട്സ് ക​മ്മി​റ്റി​യു​ടെ റി​പ്പോ​ര്‍ട്ടി​ല്‍ പ​ല​യി​ട​ങ്ങ​ളി​ലും അ​പ​ക​ട​ക​ര​മാ​യ അ​വ​സ്ഥ​യി​ലു​ള്ള കെ​ട്ടി​ട​ങ്ങ​ളി​ലാ​ണ് അം​ഗ​ന്‍വാ​ടി​ക​ള്‍ പ്ര​വ​ര്‍ത്തി​ക്കു​ന്ന​തെ​ന്നും ഇ​ത് കു​രു​ന്നു​ക​ളു​ടെ ജീ​വ​നു​ക​ള്‍ക്ക് ത​ന്നെ ഭീ​ഷ​ണി​യാ​ണ​ന്നും ഇ​തി​ന് അ​ടി​യ​ന്ത​ര ന​ട​പ​ടി​ക​ള്‍ കൈ​ക്കൊ​ള്ള​ണ​മെ​ന്നും നി​ര്‍ദേ​ശി​ച്ചി​രു​ന്നു. ഇ​തി​ന് ചു​മ​ത​ല​യു​ള്ള​വ​ര്‍ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ കീ​ഴി​ലു​ള്ള കെ​ട്ടി​ട​ങ്ങ​ളു​ടെ അ​റ്റ​കു​റ്റ​പ്പ​ണി​ക​ള്‍ ന​ട​ത്താ​നോ വാ​ട​ക​കെ​ട്ടി​ങ്ങ​ളി​ല്‍ പ​രി​ശോ​ധ​ന ന​ട​ത്തി ഫി​റ്റ്ന​സ് സ​ര്‍ട്ടി​ഫി​ക്ക​റ്റ് ന​ല്‍കാ​നോ ത​യാ​റാ​കാ​ത്ത​താ​ണ് സു​ര​ക്ഷ​യി​ല്ലാ​ത്ത കെ​ട്ടി​ട​ങ്ങ​ള്‍ക്ക് താ​ഴെ കു​രു​ന്നു​ക​ള്‍ക്ക് വീ​ണ്ടും എ​ത്തേ​ണ്ടി​വ​ന്ന​ത്.

2011 മാ​ര്‍ച്ച് 22ന്​ ​ത​ദ്ദേ​ശ​വ​കു​പ്പ് ഇ​റ​ക്കി​യ സ​ര്‍ക്കു​ല​ര്‍ പ്ര​കാ​രം എ​ല്ലാ വ​ര്‍ഷ​വും സ്വ​ന്ത​മാ​യി കെ​ട്ടി​ട​മു​ള്ള​തോ സ​ര്‍ക്കാ​റി​ന്‍റെ​യോ ത​ദ്ദേ​ശ​സ്ഥാ​പ​ന​ങ്ങ​ളു​ടെ​യോ അ​ധീ​ന​ത​യി​ലു​ള്ള സ്ഥാ​പ​ന​ങ്ങ​ളി​ലോ പ്ര​വ​ര്‍ത്തി​ച്ചു​വ​രു​ന്ന അം​ഗ​ൻ​വാ​ടി​ക​ളു​ടെ വാ​ര്‍ഷി​ക അ​റ്റ​കു​റ്റ​പ്പ​ണി കൃ​ത​മാ​യി ചെ​യ്തി​രി​ക്ക​ണ​മെ​ന്നാ​ണ് സാ​മൂ​ഹി​ക​നീ​തി​വ​കു​പ്പ് ന​ല്‍കി​യി​രി​ക്കു​ന്ന നി​ര്‍ദേ​ശം. അം​ഗ​ൻ​വാ​ടി​ക​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​ന് ആ​വ​ശ്യ​മാ​യ അ​റ്റ​കു​റ്റ​പ്പ​ണി ന​ട​ത്തു​ന്ന​തി​ന് ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ത്തി​ന്‍റെ അ​ധ്യ​ക്ഷ​ന്‍മാ​ര്‍ എ​ല്ലാ വ​ര്‍ഷ​വും ഐ.​സി.​ഡി.​എ​സ് സൂ​പ്പ​ര്‍വൈ​സ​ര്‍ അം​ഗ​ൻ​വാ​ടി പ്ര​വ​ര്‍ത്ത​ക​ര്‍, എ​ൻ​ജി​നീ​യ​ര്‍/​ഓ​വ​ര്‍സി​യ​ര്‍ എ​ന്നി​വ​രു​ടെ യോ​ഗം വി​ളി​ച്ചു​ചേ​ര്‍ത്ത് സ്ഥി​തി വി​ലി​യി​രു​ത്തു​ക​യും വ്യ​ക്ത​മാ​യ ആ​ക്​​ഷ​ന്‍ പ്ലാ​ന്‍ ത​യാ​റാ​ക്കി അം​ഗ​ന്‍വാ​ടി​ക​ളു​ടെ പ്ര​വ​ര്‍ത്ത​നം മു​ന്നോ​ട്ടു​കൊ​ണ്ടു​പോ​ക​ണ​മെ​ന്നാ​ണ് നി​ര്‍ദേ​ശം. ഇ​ത് കാ​ല​ങ്ങ​ളാ​യി പ​ല​യി​ട​ത്തും പാ​ലി​ക്ക​പ്പെ​ടാ​റി​ല്ല.

കെ​ട്ടി​ട​യു​ട​മ​ക​ള്‍ വാ​ട​ക കൃ​ത്യ​മാ​യി കൈ​പ്പ​റ്റി​യ​ത​ല്ലാ​തെ പ​ല​യി​ട​ത്തും പേ​രി​ന് പോ​ലും അ​റ്റ​കു​റ്റ​പ്പ​ണി​ക​ള്‍ ചെ​യ്യാ​ന്‍ ത​യാ​റാ​യി​ട്ടി​ല്ല​ന്ന് കു​ട്ടി​ക​ളു​ടെ ര​ക്ഷാ​ക​ര്‍ത്താ​ക്ക​ള്‍ ത​ന്നെ ആ​രോ​പി​ക്കു​ന്നു. ഭൂ​രി​പ​ക്ഷം അം​ഗ​ന്‍വാ​ടി​ക​ളും പ്ര​വ​ര്‍ത്തി​ക്കു​ന്ന​ത് വെ​ളി​ച്ച​മോ വാ​യു​വോ ക​ട​ക്കാ​ത്ത ഒ​റ്റ​മു​റി കെ​ട്ടി​ട​ങ്ങ​ളി​ലാ​ണ്. ചു​റ്റു​മ​തി​ല്‍ ഉ​ണ്ടാ​യി​രി​ക്ക​ണ​മെ​ന്ന് ക​ര്‍ശ​ന​നി​ര്‍ദേ​ശ​വും ഉ​ണ്ട്. പ​ല കെ​ട്ടി​ട​ങ്ങ​ളും റോ​ഡി​നോ​ട് ചേ​ര്‍ന്നു​ള്ള ക​ട​മു​റി​ക​ളി​ലാ​ണ് പ്ര​വ​ർ​ത്തി​ക്കു​ന്ന​ത്.