കേന്ദ്രീകൃത ശുചിമുറി മാലിന്യ പ്ലാന്‍റ്​; ജനരോഷം ശക്തം

ആ​റ്റി​ങ്ങ​ൽ: ശു​ചി​മു​റി മാ​ലി​ന്യ പ്ലാ​ന്റ് സ്ഥാ​പി​ക്കാ​നു​ള്ള അ​ധി​കൃ​ത​രു​ടെ നീ​ക്ക​ങ്ങ​ൾ​ക്കെ​തി​രെ വെ​യി​ലൂ​ർ മേ​ഖ​ല​യി​ൽ പ്ര​തി​ഷേ​ധം ശ​ക്ത​മാ​കു​ന്നു. പ്ര​ധാ​ന ജ​ന​വാ​സ​മേ​ഖ​ല​ക്ക് സ​മീ​പ​മു​ള്ള റ​വ​ന്യൂ ഭൂ​മി ഉ​പ​യോ​ഗ​പ്പെ​ടു​ത്തി​യാ​ണ് കേ​ന്ദ്രീ​കൃ​ത ശു​ചി​മു​റി മാ​ലി​ന്യ പ്ലാ​ന്‍റ്​ സ്ഥാ​പി​ക്കു​ന്ന​ത്. ഒ​രു ഭാ​ഗ​ത്ത് പ​ട്ടി​ക​ജാ​തി സ​ങ്കേ​ത​ങ്ങ​ളും മ​റു​ഭാ​ഗ​ത്ത് മ​റ്റൊ​രു ജ​ന​വാ​സ മേ​ഖ​ല​യു​മാ​ണ്.

സം​സ്ഥാ​ന സ​ർ​ക്കാ​റി​ന്റെ സു​പ്ര​ധാ​ന പ​ദ്ധ​തി​ക​ളി​ലൊ​ന്നാ​യ വൈ​റോ​ള​ജി ഇ​ൻ​സ്റ്റി​റ്റ്യൂ​ട്ടും പാ​ച​ക​വാ​ത​ക പൈ​പ്പു​ലൈ​നു​മാ​യി ബ​ന്ധ​പ്പെ​ട്ട ക​ൺ​ട്രോ​ൾ യൂ​നി​റ്റി​ന്റെ​യും പ്ര​വ​ർ​ത്ത​ന​വും ഇ​തി​ന​ടു​ത്താ​ണ്. പ​തി​റ്റാ​ണ്ടു​ക​ളാ​യി മേ​ഖ​ല​യി​ലെ ജ​ന​ങ്ങ​ൾ ക​ളി​മ​ൺ ഖ​ന​നം സൃ​ഷ്ടി​ച്ച പ്ര​ശ്ന​ങ്ങ​ൾ നേ​രി​ടു​ക​യാ​ണ്. ഇ​തി​നി​ട​യി​ലാ​ണ് മാ​ലി​ന്യ പ്ലാ​ന്‍റ്​ തു​ട​ങ്ങാ​നു​ള്ള നീ​ക്കം.

ഓ​രോ ജി​ല്ല​യി​ലും ഓ​രോ കേ​ന്ദ്രീ​കൃ​ത മാ​ലി​ന്യ പ്ലാ​ന്‍റ്​ സ്ഥാ​പി​ക്കു​ന്നു​ണ്ട്. കേ​ന്ദ്ര സാ​മ്പ​ത്തി​ക സ​ഹാ​യ​ത്തോ​ടെ​യാ​ണ് പ​ദ്ധ​തി. ജി​ല്ല​യി​ൽ ക​ര​വാ​രം ഗ്രാ​മ​പ​ഞ്ചാ​യ​ത്തി​ലെ റ​വ​ന്യൂ പു​റ​മ്പോ​ക്ക് ഭൂ​മി​യാ​ണ് ഇ​തി​നാ​യി ആ​ദ്യം തെ​ര​ഞ്ഞെ​ടു​ത്ത​ത്. അ​വി​ടെ പൊ​തു​ജ​ന പ്ര​തി​ഷേ​ധം ഉ​ണ്ടാ​യ​തോ​ടെ അ​വി​ടെ​നി​ന്ന്​ പി​ന്മാ​റി.

തു​ട​ർ​ന്ന് ര​ണ്ടു മാ​സം മു​മ്പാ​ണ്​ വെ​യി​ലൂ​ർ ഗ​വ. ഹൈ​സ്കൂ​ളി​നോ​ടു ചേ​ർ​ന്ന ക്ലേ ​ഫാ​ക്ട​റി സ്ഥി​തി​ചെ​യ്യു​ന്ന പ്ര​ദേ​ശം കേ​ന്ദ്രീ​ക​രി​ച്ച്​ മാ​ലി​ന്യ​പ്ലാ​ന്റ് സ്ഥാ​പി​ക്കാ​ൻ ജി​ല്ല പ​ഞ്ചാ​യ​ത്ത് അ​നു​മ​തി​യാ​യ​ത്. ഇ​വി​ടെ കൂ​ടു​ത​ൽ ഭൂ​മി​യു​ണ്ടെ​ന്ന കാ​ര​ണം ക​ണ്ടെ​ത്തി​യാ​ണി​ത്. ഇ​തു​മാ​യി ബ​ന്ധ​പ്പെ​ട്ട്​ സ​ർ​ക്കാ​റി​ന്റെ വി​വി​ധ ഏ​ജ​ൻ​സി​ക​ൾ വി​വ​ര​ശേ​ഖ​ര​ണം ന​ട​ത്തി​യെ​ങ്കി​ലും ശു​ചി​മു​റി മാ​ലി​ന്യ പ്ലാ​ന്റാ​ണ്​ സ്ഥാ​പി​ക്കു​ന്ന​തെ​ന്ന കാ​ര്യം നാ​ട്ടു​കാ​രി​ൽ​നി​ന്ന്​ മ​റ​ച്ചു​െ​വ​ച്ച​ത്രെ.

ഒ​രു​മാ​സം മു​മ്പ്​ ജി​ല്ല ക​ല​ക്ട​റു​ടെ അ​നു​മ​തി​യോ​ടെ സ്ഥ​ലം അ​ള​ന്നു​തി​ട്ട​പ്പെ​ടു​ത്താ​ൻ റ​വ​ന്യൂ​വി​ഭാ​ഗം സ്ഥ​ല​ത്തെ​ത്തി​യ​പ്പോ​ഴാ​ണ്​ മാ​ലി​ന്യ​പ്ലാ​ന്റ് സ്ഥാ​പി​ക്കു​ന്ന വി​വ​രം സ്ഥ​ല​വാ​സി​ക​ൾ അ​റി​ഞ്ഞ​ത്. ഇ​തോ​ടെ ചി​റ​യി​ൻ​കീ​ഴ് ത​ഹ​സി​ൽ​ദാ​ർ വേ​ണു​വി​ന്‍റെ നേ​തൃ​ത്വ​ത്തി​ൽ എ​ത്തി​യ റ​വ​ന്യൂ ഉ​ദ്യോ​ഗ​സ്ഥ സം​ഘ​ത്തെ സ​മീ​പ​വാ​സി​ക​ളും നാ​ട്ടു​കാ​രും ചേ​ർ​ന്ന്​ ത​ട​ഞ്ഞു.

പ്ര​തി​ഷേ​ധം ശ​ക്ത​മാ​യ​തി​നെ​ത്തു​ട​ർ​ന്ന്​ ക​ല​ക്ട​ർ ഇ​ട​പെ​ട്ട്​ ഉ​ദ്യോ​ഗ​സ്ഥ സം​ഘ​ത്തെ പി​ൻ​വ​ലി​ക്കു​ക​യു​മാ​യി​രു​ന്നു. അ​ന്ന് സ​ർ​വേ ന​ട​പ​ടി​ക​ൾ പൂ​ർ​ത്തി​യാ​ക്കി​യി​രു​ന്നി​ല്ല. ജ​ന​കീ​യ​സ​മ​ര​സ​മി​തി രൂ​പ​വ​ത്​​ക​രി​ച്ച്​ പ്ര​ദേ​ശ​വാ​സി​ക​ൾ സ​മ​ര​രം​ഗ​ത്ത് ഇ​റ​ങ്ങി​യി​ട്ടു​ണ്ട്. പ്ര​ക്ഷോ​ഭ​ത്തി​ന്‍റെ ഭാ​ഗ​മാ​യി ബു​ധ​നാ​ഴ്ച ജി​ല്ല പ​ഞ്ചാ​യ​ത്ത് കാ​ര്യാ​ല​യം നാ​ട്ടു​കാ​ർ ഉ​പ​രോ​ധി​ച്ചു.