യുവാവിനെ ലഹരി മാഫിയ കൊലപ്പെടുത്തിയ സംഭവം; യഥാർഥ പ്രതികളെ കണ്ടെത്താനാകാതെ പൊലീസ്

ആ​റ്റി​ങ്ങ​ൽ: യു​വാ​വി​നെ ല​ഹ​രി മാ​ഫി​യ സം​ഘം കൊ​ല​പ്പെ​ടു​ത്തി​യ സം​ഭ​വ​ത്തി​ൽ യ​ഥാ​ർ​ഥ പ്ര​തി​ക​ളെ ക​ണ്ടെ​ത്താ​നാ​കാ​തെ പൊ​ലീ​സ്. അ​ന്വേ​ഷ​ണം വ​ഴി​തെ​റ്റി​ക്കാ​ൻ പ്ര​തി​ക​ൾ ശ്ര​മി​ക്കു​ന്ന​താ​യാ​ണ് വി​വ​രം. വ​ക്കം പു​ത്ത​ൻ​ന​ട ക്ഷേ​ത്ര​ത്തി​ന് സ​മീ​പം ചി​ര​ട്ട മ​ണ​ക്കാ​ട് വീ​ട്ടി​ൽ ശ്രീ​ജി​ത്തി​നെ(25) ബു​ധ​നാ​ഴ്ച രാ​ത്രി പ​തി​നൊ​ന്നോ​ടെ​യാ​ണ് നാ​ലം​ഗ സം​ഘം വി​ളി​ച്ചു​വ​രു​ത്തി കൊ​ല​പ്പെ​ടു​ത്തി​യ​ത്.

കൊ​ല്ല​പ്പെ​ട്ട ശ്രീ​ജി​ത്തി​ന്‍റെ സു​ഹൃ​ത്തു​ക്ക​ളെ വി​ളി​ച്ചു​പ​റ​ഞ്ഞ ശേ​ഷ​മാ​ണ് പ്ര​തി​ക​ൾ മൃ​ത​ദേ​ഹം ഉ​പേ​ക്ഷി​ച്ച് മ​ട​ങ്ങി​യ​ത്. കൊ​ല​പാ​ത​ക വി​വ​രം പൊ​ലീ​സി​ന് ല​ഭി​ച്ച​പ്പോ​ൾ​ത​ന്നെ പ്ര​തി​യെ തി​രി​ച്ച​റി​ഞ്ഞെ​ങ്കി​ലും ഉ​ട​ൻ പി​ടി​കൂ​ടു​ന്ന​തി​ൽ പൊ​ലീ​സി​ന് വീ​ഴ്ച​യു​ണ്ടാ​യി. നി​ല​വി​ൽ ആ​റ്റി​ങ്ങ​ൽ സ്റ്റേ​ഷ​നി​ൽ സി.​ഐ ഇ​ല്ല. 12 കി​ലോ​മീ​റ്റ​ർ അ​ക​ലെ​യു​ള്ള ക​ഠി​നം​കു​ളം സി.​ഐ​ക്കാ​ണ് ചു​മ​ത​ല.

ക​ഴി​ഞ്ഞ​ദി​വ​സം രാ​ത്രി കൊ​ട്ടാ​ര​ക്ക​ര​യി​ൽ മു​ഖ്യ​പ്ര​തി കു​ര്യ​ൻ വി​നീ​തി​ന്‍റെ മൊ​ബൈ​ൽ സി​ഗ്ന​ൽ ല​ഭി​ച്ചി​രു​ന്നു. ഇ​തോ​ടെ പൊ​ലീ​സ്​ സം​ഘം ഈ ​മേ​ഖ​ല കേ​ന്ദ്രീ​ക​രി​ച്ച് തി​ര​ച്ചി​ൽ ന​ട​ത്തി. പി​ന്നീ​ട്​ മൊ​ബൈ​ൽ ഓ​ഫാ​ക്കി.

അ​തി​നു​മു​മ്പ്​ കോ​ഴി​ക്കോ​ട് മേ​ഖ​ല​യി​ലേ​ക്ക് ക​ട​ന്ന​താ​യി വി​വ​രം ല​ഭി​ച്ചി​രു​ന്നു. പി​ന്നീ​ട്​ പ്ര​തി​ക​ൾ കീ​ഴ​ട​ങ്ങു​മെ​ന്ന വി​വ​ര​വും പ്ര​ച​രി​ച്ചു. കോ​ട​തി പ​രി​സ​ര​വും വ​ക്കീ​ൽ ഓ​ഫി​സു​ക​ളും നി​രീ​ക്ഷി​ച്ചെ​ങ്കി​ലും പൊ​ലീ​സ്​ നി​രാ​ശ​രാ​യി. സ​മീ​പ മേ​ഖ​ല​യി​ലു​ള്ള പ്ര​തി​ക​ൾ ബോ​ധ​പൂ​ർ​വം ശ്ര​ദ്ധ മാ​റ്റി ര​ക്ഷ​പ്പെ​ടാ​ൻ ശ്ര​മി​ക്കു​മെ​ന്നാ​ണ്​ പൊ​ലീ​സ്​ നി​ഗ​മ​നം. പ്ര​തി​ക​ളു​മാ​യി ബ​ന്ധ​മു​ള്ള നി​ര​വ​ധി പേ​രെ പൊ​ലീ​സ് ക​സ്റ്റ​ഡി​യി​ൽ എ​ടു​ത്ത്​ ചോ​ദ്യം ചെ​യ്തി​രു​ന്നു.