കടയ്ക്കാവൂർ റെയിൽവേ സ്റ്റേഷൻ: ശുചിമുറികൾ പൂട്ടിയിട്ട് ആഴ്ചകൾ, യാത്രക്കാർ ദുരിതത്തിൽ

ആ​റ്റി​ങ്ങ​ൽ: ക​ട​യ്ക്കാ​വൂ​ർ റെ​യി​ൽ​വേ സ്റ്റേ​ഷ​നി​ൽ ശു​ചി​മു​റി​ക​ൾ പൂ​ട്ടി​ക്കി​ട​ക്കു​ന്ന​ത് യാ​ത്ര​ക്കാ​രെ വ​ല​ക്കു​ന്നു. സ്റ്റേ​ഷ​നി​ലെ​ത്തു​ന്ന നൂ​റു​ക​ണ​ക്കി​ന് സ്ത്രീ​ക​ൾ അ​ട​ക്കം യാ​ത്ര​ക്കാ​രെ ഇ​ത് പ്ര​തി​സ​ന്ധി​യി​ലാ​ക്കു​ന്നു. നേ​ര​ത്തേ റെ​യി​ൽ​വേ നേ​രി​ട്ടാ​ണ് ശു​ചി​മു​റി​ക​ൾ പ്ര​വ​ർ​ത്തി​പ്പി​ച്ചി​രു​ന്ന​ത്.

അ​ടു​ത്തി​ടെ ബ്ലോ​ക്കു​ക​ളു​ടെ ന​ട​ത്തി​പ്പ​വ​കാ​ശം ലേ​ല​ത്തി​ൽ ന​ൽ​കു​ക​യാ​യി​രു​ന്നു. എ​ന്നാ​ൽ കോ​ൺ​ട്രാ​ക്ട് എ​ടു​ത്ത​യാ​ൾ കൃ​ത്യ​മാ​യി തു​റ​ന്നു​പ്ര​വ​ർ​ത്തി​പ്പി​ക്കാ​ൻ ത​യാ​റാ​കു​ന്നി​ല്ലെ​ന്നാ​ണ് യാ​ത്ര​ക്കാ​രു​ടെ പ​രാ​തി.

കോ​ൺ​ട്രാ​ക്​​ടെ​ടു​ത്ത് ആ​ദ്യ​ദി​ന​ങ്ങ​ളി​ൽ ടോ​യ്​​ല​റ്റ് ബ്ലോ​ക്ക് ശു​ചീ​ക​രി​ച്ച് പ്ര​വ​ർ​ത്ത​നം ആ​രം​ഭി​ച്ച​പ്പോ​ൾ സെ​പ്റ്റി​ക് ടാ​ങ്കി​ൽ ബ്ലോ​ക്ക് ക​ണ്ടെ​ത്തി. തു​ട​ർ​ന്ന് ഇ​ത് ക്ലീ​ൻ​ചെ​യ്ത് പ്ര​വ​ർ​ത്ത​ന​ക്ഷ​മ​മാ​ക്കാ​ൻ ശ്ര​മി​ക്കാ​ത്ത​താ​ണ് ശു​ചി​മു​റി​ക​ൾ പൂ​ട്ടി​ക്കി​ട​ക്കാ​ൻ കാ​ര​ണ​മെ​ന്നാ​ണ് സൂ​ച​ന. ബ്ലോ​ക്കാ​യി ആ​ഴ്ച​ക​ൾ ക​ഴി​യു​മ്പോ​ഴും യാ​ത്ര​ക്കാ​ർ​ക്ക്​ ബ​ദ​ൽ സം​വി​ധാ​നം ഒ​രു​ക്കാ​ൻ ബ​ന്ധ​പ്പെ​ട്ട​വ​ർ ത​യാ​റാ​യി​ട്ടി​ല്ല.

തി​രു​വ​ന​ന്ത​പു​രം-​കൊ​ല്ലം ഭാ​ഗ​ങ്ങ​ളി​ലേ​ക്ക് ക​ട​യ്ക്കാ​വൂ​ർ, വ​ക്കം, അ​ഞ്ചു​തെ​ങ്ങ് മേ​ഖ​ല​യി​ൽ നി​ന്നു​ള്ള നൂ​റു​ക​ണ​ക്കി​ന് യാ​ത്ര​ക്കാ​രാ​ണ് ഈ ​റെ​യി​ൽ​വേ സ്റ്റേ​ഷ​ൻ ഉ​പ​യോ​ഗി​ക്കു​ന്ന​ത്. ഇ​വ​രെ​ല്ലാം നി​ല​വി​ൽ പ്രാ​ഥ​മി​കാ​വ​ശ്യ​ങ്ങ​ൾ​ക്ക് സൗ​ക​ര്യം ഇ​ല്ലാ​തെ വ​ല​യു​ക​യാ​ണ്.

ശു​ചി​മു​റി​ക​ൾ പൂ​ട്ട​പ്പെ​ട്ട​തോ​ടെ പൊ​തു ഇ​ട​ത്തി​ലെ മൂ​ത്ര​വി​സ​ർ​ജ​നം വ്യാ​പ​ക​മാ​യി. പ്ലാ​റ്റ്ഫോ​മു​ക​ളു​ടെ തു​ട​ക്ക​ത്തി​ലും ഒ​ടു​ക്ക​ത്തി​ലും രൂ​ക്ഷ​മാ​യ മൂ​ത്ര​ഗ​ന്ധ​മാ​ണ്. അ​തു​കൊ​ണ്ടു​ത​ന്നെ, എ​ത്ര​യും പെ​ട്ടെ​ന്ന് ടോ​യ്​​ല​റ്റ് ബ്ലോ​ക്ക് ശു​ചീ​ക​രി​ച്ച് പ്ര​വ​ർ​ത്ത​ന​ക്ഷ​മ​മാ​ക്ക​ണ​മെ​ന്നാ​ണ് യാ​ത്ര​ക്കാ​രു​ടെ ആ​വ​ശ്യം. ഇ​ത് ചൂ​ണ്ടി​ക്കാ​ട്ടി സാ​മൂ​ഹി​ക​പ്ര​വ​ർ​ത്ത​ക​നാ​യ അ​ഞ്ചു​തെ​ങ്ങ് സ​ജ​ൻ റെ​യി​ൽ​വേ മ​ന്ത്രാ​ല​യ​ത്തി​ന് ക​ത്ത​യ​ച്ചു.