വഴിതെറ്റിച്ച്​ സൂചന ബോർഡ്; മാറ്റിസ്ഥാപിക്കാൻ നടപടിയില്ല

ആ​റ്റി​ങ്ങ​ൽ: ആ​റ്റി​ങ്ങ​ലി​ൽ യാ​ത്ര​ക്കാ​രെ വ​ഴി​തെ​റ്റി​ക്കു​ന്ന സൂ​ച​ന ബോ​ർ​ഡ് മാ​റ്റാ​ൻ ത​യാ​റാ​കാ​തെ അ​ധി​കൃ​ത​ർ. പാ​ല​സ് റോ​ഡി​ൽ ഗേ​ൾ​സ് ഹൈ​സ്കൂ​ളി​ന് സ​മീ​പ​മാ​ണ് ബോ​ർ​ഡ്. ബോ​ർ​ഡി​ൽ സൂ​ചി​പ്പി​ച്ചി​രി​ക്കു​ന്ന​ത് പോ​ലെ പോ​യാ​ൽ കൊ​ല്ല​ത്തെ​ത്തി​ല്ല. ക​ട​യ്ക്കാ​വൂ​ർ പ​ഞ്ചാ​യ​ത്തി​ലാ​വും എ​ത്തി​ച്ചേ​രു​ക.

വ​ല​തു​ഭാ​ഗ​ത്ത് തി​രി​യു​ന്ന സി​ഗ്ന​ലി​ന് പ​ക​ര​മാ​ണ് നേ​രേ​യു​ള്ള ചി​ഹ്നം കൊ​ടു​ത്തി​രി​ക്കു​ന്ന​ത്. നേ​രെ പോ​കേ​ണ്ട ക​ട​യ്ക്കാ​വൂ​രി​ന് ഇ​ട​തോ​ട്ട് പോ​ക​ണ​മെ​ന്നാ​ണ്​ ബോ​ർ​ഡി​ൽ. ഇ​തു​വ​ഴി പോ​യാ​ൽ ചി​റ​യി​ൻ​കീ​ഴെ​ത്തും. ദേ​ശീ​യ​പാ​ത​യി​ലെ വ​ൺ​വേ വ​ഴി ക​ട​ന്നു​വ​രു​ന്ന വാ​ഹ​ന​ങ്ങ​ൾ ഈ ​ബോ​ർ​ഡ് നോ​ക്കി യാ​ത്ര തു​ട​ർ​ന്നാ​ൽ പെ​ട്ട​തു​ത​ന്നെ. ബോ​ർ​ഡ് സ്ഥാ​പി​ച്ച്​ മാ​സ​ങ്ങ​ൾ ക​ഴി​ഞ്ഞി​ട്ടും തെ​റ്റ്​ ക​ണ്ടെ​ത്തി തി​രു​ത്താ​ൻ ബ​ന്ധ​പ്പെ​ട്ട​വ​ർ മ​ടി​ക്കു​ക​യാ​ണ്.

ദീ​ർ​ഘ​ദൂ​ര യാ​ത്ര​ക്കാ​രാ​യ നി​ര​വ​ധി​പേ​ർ ബോ​ർ​ഡ് അ​നു​സ​രി​ച്ച് യാ​ത്ര ചെ​യ്ത് വ​ഴി​തെ​റ്റി​യി​ട്ടു​ണ്ട്. കൊ​ല്ലം ഭാ​ഗ​ത്തേ​ക്ക് പോ​കേ​ണ്ട വാ​ഹ​ന​ങ്ങ​ളാ​ണ് വ​ഴി​മാ​റി ക​ട​യ്ക്കാ​വൂ​ർ മ​ണ​നാ​ക്ക്​ ഭാ​ഗ​ങ്ങ​ളി​ൽ എ​ത്തു​ന്ന​ത്. തു​ട​ർ​ന്ന് നാ​ട്ടു​കാ​രോ​ട് വ​ഴി​ ചോ​ദി​ച്ച്​ ആ​ലം​കോ​ട് വ​​​രെ യാ​ത്ര ചെ​യ്ത്​ ദേ​ശീ​യ​പാ​ത​യി​ൽ​ക​യ​റി കൊ​ല്ലം ഭാ​ഗ​ത്തേ​ക്ക്​ പോ​കു​ക​യാ​ണ്. ബോ​ർ​ഡ് സ്ഥാ​പി​ച്ച സ്ഥ​ലം മാ​റി​യ​താ​ണ്​ ആ​ശ​യ​ക്കു​ഴ​പ്പ​ത്തി​ന് കാ​ര​ണം. നി​ല​വി​ൽ ബോ​ർ​ഡു​ള്ള സ്ഥ​ല​ത്തു​നി​ന്ന്​ മാ​റ്റി ടൗ​ൺ യു.​പി.​എ​സ് ജ​ങ്​​ഷ​ന് മു​മ്പ്​ സ്​​ഥാ​പി​ച്ചാ​ൽ പ്ര​ശ്നം പ​രി​ഹ​രി​ക്കാ​നാ​വും.