കൗമാരകലാമേളക്ക്​ ആറ്റിങ്ങലൊരുങ്ങി

ആ​റ്റി​ങ്ങ​ൽ: കൗ​മാ​ര ക​ലാ​മേ​ള​ക്ക്​ഒരുക്കം തകൃതി. ചൊവ്വാഴ്ച മു​ത​ൽ വെള്ളിയാഴ്ച വരെ ആ​റ്റി​ങ്ങ​ലി​ലാ​ണ് തി​രു​വ​ന​ന്ത​പു​രം റ​വ​ന്യു ജി​ല്ല സ്കൂ​ൾ ക​ലോ​ത്സ​വ​ത്തി​ന്​ അരങ്ങുണരു​ക. മ​ത്സ​ര വേ​ദി​ക്കു​ള്ള പ​ന്ത​ലു​ക​ൾ ഉ​ൾ​പ്പെ​ടെ​യു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ ത്വ​രി​ത​ഗ​തി​യി​ൽ ന​ട​ന്നു വ​രി​ക​യാ​ണ്. ഒ​രു​ദി​വ​സം കൂ​ടി മാ​ത്ര​മാ​ണ് സം​ഘാ​ട​ക​ർ​ക്ക് മു​ന്നി​ലു​ള്ള​ത്. ഈ ​സ​മ​യ പ​രി​ധി​ക്കു​ള്ളി​ൽ സ്റ്റേ​ജു​ക​ൾ പൂ​ർ​ത്തീ​ക​രി​ക്കു​ക പ്ര​യാ​സ​മാ​ണ്. എ​ങ്കി​ലും സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കാ​നു​ള്ള ശ്ര​മ​ത്തി​ലാ​ണ് സം​ഘാ​ട​ക​ർ.

ക​ഴി​ഞ്ഞ​മാ​സം 20 മു​ത​ൽ ആ​റ്റി​ങ്ങ​ൽ വി​ദ്യാ​ഭ്യാ​സ ജി​ല്ല​യി​ലെ നെ​ടു​മ​ങ്ങാ​ട് ന​ട​ത്താ​ൻ തീ​രു​മാ​നി​ച്ചി​രു​ന്ന​താ​ണ് ജി​ല്ലാ ക​ലോ​ത്സ​വം. അ​പ്ര​തീ​ക്ഷി​ത​മാ​യി വേ​ദി മാ​റ്റി നി​ശ്ച​യി​ക്കേ​ണ്ടി വ​ന്നു. വെ​ഞ്ഞാ​റ​മൂ​ട് ആ​ലോ​ചി​ച്ചു​വെ​ങ്കി​ലും സ്ഥ​ല പ​രി​മി​തി, ഗ​താ​ഗ​ത പ്ര​ശ്ന​ങ്ങ​ൾ പ​രി​ഗ​ണി​ച്ച് മാ​റ്റി. ശേ​ഷം അ​വ​സാ​ന നി​മി​ഷ​ത്തി​ലാ​ണ് ആ​റ്റി​ങ്ങ​ൽ വെ​ച്ച് ന​ട​ത്താ​ൻ തീ​രു​മാ​നി​ച്ച​ത്. ശേ​ഷം സം​ഘാ​ട​ക സ​മി​തി യോ​ഗം വി​ളി​ച്ചി​ട്ട് അ​തും റ​ദ്ദാ​ക്കി.

ചി​ല വ്യ​ക്തി​ക​ൾ​ക്ക് അ​റി​യി​പ്പ് ന​ൽ​കി​യി​ല്ലെ​ന്ന് പ​രാ​തി ഉ​യ​ർ​ന്ന​തോ​ടെ​യാ​ണ് സം​ഘാ​ട​ക സ​മി​തി യോ​ഗം മാ​റ്റി നി​ശ്ച​യി​ച്ച​ത്. ആ​റ്റി​ങ്ങ​ൽ ന​ഗ​ര​സ​ഭ​യി​ലെ ഒ​രു വി​ഭാ​ഗം കൗ​ൺ​സി​ല​ർ​മാ​രാ​ണ് ത​ങ്ങ​ൾ​ക്ക് അ​റി​യി​പ്പ് കി​ട്ടി​യി​ല്ലെ​ന്ന പ​രാ​തി ഉ​ന്ന​യി​ച്ച​ത്. ഇ​വ​ർ​ക്ക് ഉ​ൾ​പ്പെ​ടെ അ​റി​യി​പ്പ് ന​ൽ​കി ര​ണ്ടാ​മ​ത് യോ​ഗം ചേ​ർ​ന്നി​ട്ടും പ​കു​തി കൗ​ൺ​സി​ല​ർ​മാ​ർ പോ​ലും പ​ങ്കെ​ടു​ത്തി​രു​ന്നി​ല്ല. സം​ഘാ​ട​ക സ​മി​തി യോ​ഗം വൈ​കി​യ​തോ​ടെ അ​നു​ബ​ന്ധ ഒ​രു​ക്ക​ങ്ങ​ളെ​യും ബാ​ധി​ച്ചു.

ആ​റ്റി​ങ്ങ​ൽ ഗ​വ. മോ​ഡ​ൽ ബോ​യ്സ്.​എ​ച്ച്.​എ​സ്.​എ​സി​ൽ വെ​ച്ചാ​ണ് ആ​റ്റി​ങ്ങ​ൽ ഉ​പ​ജി​ല്ല ക​ലോ​ത്സ​വം ന​ട​ന്ന​ത്. ഇ​തി​ന് ഒ​രു​ക്കി​യ പ​ന്ത​ലു​ക​ൾ പൊ​ളി​ച്ചു മാ​റ്റി​യി​രു​ന്നി​ല്ല. ജി​ല്ല ക​ലോ​ത്സ​വ​ത്തി​ന് വേ​ദി ആ​യേ​ക്കും എ​ന്ന് സൂ​ച​ന ഉ​ണ്ടാ​യി​രു​ന്ന​തി​നാ​ൽ പ​ന്ത​ൽ പ​ണി​ക്കാ​ർ പൊ​ളി​ക്കു​ന്ന​ത് വൈ​കി​പ്പി​ച്ചു. ഈ ​പ​ന്ത​ലു​ക​ളി​ൽ അ​ല​ങ്കാ​ര പ​ണി​ക​ൾ ന​ട​ക്കു​ക​യാ​ണ്. എ​ന്നാ​ൽ ഊ​ട്ടു​പു​ര ഇ​ത്ത​വ​ണ പ്ര​ത്യേ​കം ത​യാ​റാ​ക്കേ​ണ്ട അ​വ​സ്ഥ​യാ​ണ്.

ആ​റ്റി​ങ്ങ​ലി​ൽ മു​ൻ കാ​ല​ങ്ങ​ളി​ൽ ക​ലോ​ത്സ​വം ന​ട​ന്ന​പ്പോ​ൾ മു​നി​സി​പ്പ​ൽ ടൗ​ൺ ഹാ​ൾ, അ​ല്ലെ​ങ്കി​ൽ ദ്വാ​ര​ക ഓ​ഡി​റ്റോ​റി​യം ആ​ണ് ഊ​ട്ടു​പു​ര​യാ​യി പ്ര​വ​ർ​ത്തി​ച്ച​ത്. വി​വാ​ഹ ഓ​ഡി​റ്റോ​റി​യം ത​ന്നെ ഊ​ട്ടു​പു​ര​യാ​യി കി​ട്ടി​യി​രു​ന്ന​തി​നാ​ൽ സം​ഘാ​ട​ക​ർ​ക്ക് ഏ​റെ സ​ഹാ​യ​ക​മാ​യി​രു​ന്നു. എ​ന്നാ​ൽ, ഇ​ത്ത​വ​ണ സ്ഥി​തി വ്യ​ത്യ​സ്ത​മാ​ണ്. ദ്വാ​ര​ക ഓ​ഡി​റ്റോ​റി​യം മു​ൻ കൂ​ട്ടി ബു​ക്കി​ങ് ഉ​ണ്ടാ​യി​രു​ന്ന​തി​നാ​ൽ ക​ലോ​ത്സ​വ​ത്തി​ന് ല​ഭി​ച്ചി​ല്ല.

മു​നി​സി​പ്പ​ൽ ടൗ​ൺ ഹാ​ൾ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് അ​ട​ച്ചി​ട്ടി​രി​ക്കു​ക​യാ​ണ്. അ​തി​നാ​ൽ ഊ​ട്ടു​പു​ര പ്ര​ത്യേ​കം നി​ർ​മി​ക്കേ​ണ്ട അ​വ​സ്ഥ വ​ന്നു. ഗ​വ. കോ​ള​ജ് ഗ്രൗ​ണ്ടി​ലാ​ണ് ഊ​ട്ടു​പു​ര നി​ർ​മാ​ണം. ഇ​താ​ണ് സം​ഘാ​ട​ക​ർ നേ​രി​ടു​ന്ന പ്ര​ധാ​ന വെ​ല്ലു​വി​ളി. നി​ര​വ​ധി വെ​ല്ലു​വി​ളി​ക​ളെ നേ​രി​ട്ടാ​ണ് ആ​റ്റി​ങ്ങ​ൽ ന​ഗ​ര​ത്തി​ൽ വീ​ണ്ടും ഒ​രു ക​ലോ​ത്സ​വം ഒ​രു​ങ്ങു​ന്ന​ത്.

12 ഉ​പ​ജി​ല്ല, 14 വേ​ദി​ക​ൾ; മാ​റ്റു​ര​ക്കു​ന്ന​ത്​ 6471 വി​ദ്യാ​ർ​ഥി​ക​ൾ

ആ​റ്റി​ങ്ങ​ൽ: ആ​റ്റി​ങ്ങ​ൽ ഗ​വ. മോ​ഡ​ൽ ബോ​യ്സ് എ​ച്ച്.​എ​സ്.​എ​സ് മു​ഖ്യ​വേ​ദി​യാ​യി ആ​ണ് ജി​ല്ല ക​ലോ​ത്സ​വ​ത്തി​ന് ആ​റ്റി​ങ്ങ​ൽ ആ​തി​ഥേ​യ​ത്വം വ​ഹി​ക്കു​ന്ന​ത്. ഗ​വ. ഗേ​ൾ​സ് ഹ​യ​ർ സെ​ക്ക​ൻ​ഡ​റി സ്കൂ​ൾ, ഡ​യ​റ്റ്, ടൗ​ൺ യു.​പി.​എ​സ്, ഡി.​ഇ.​ഓ​ഫി​സ്, ഗ​വ. കോ​ള​ജ് എ​ന്നി​വി​ട​ങ്ങ​ളി​ൽ എ​ല്ലാം വേ​ദി​ക​ൾ വ​രും.

14 വേ​ദി​ക​ളാ​ണ് തീ​രു​മാ​നി​ച്ചി​ട്ടു​ള്ള​ത്. ആ​തി​ഥേ​യ വി​ദ്യാ​ല​യ​മാ​യ ഗ​വ. മോ​ഡ​ൽ ബോ​യ്സ് എ​ച്ച്.​എ​സ്.​എ​സി​ൽ അ​ഞ്ച് വേ​ദി​ക​ളും ഗ​വ. ഗേ​ൾ​സ് ഹ​യ​ർ സെ​ക്ക​ൻ​ഡ​റി സ്കൂ​ളി​ൽ മൂ​ന്ന് വേ​ദി​ക​ളും ടൗ​ൺ യു.​പി.​എ​സി​ൽ ഒ​ന്നും ഡ​യ​റ്റി​ൽ മൂ​ന്നും ഡി.​ഇ.​ഓ​ഫി​സ് വ​ള​പ്പി​ലും ഗ​വ. കേ​ള​ജി​ലും ഓ​രോ വേ​ദി​ക​ളു​മാ​ണ് ഒ​രു​ക്കു​ന്ന​ത്.

ജി​ല്ല​യി​ലെ 12 ഉ​പ​ജി​ല്ല​ക​ളി​ൽ നി​ന്നു​ള്ള യു.​പി, ഹൈ​സ്കൂ​ൾ, ഹ​യ​ർ സെ​ക്ക​ൻ​ഡ​റി വി​ഭാ​ഗ​ങ്ങ​ളി​ലെ 6471 വി​ദ്യാ​ർ​ഥി​ക​ളാ​ണ് ത​ങ്ങ​ളു​ടെ ക​ലാ​വൈ​ഭ​വം മ​ത്സ​ര രം​ഗ​ത്ത് അ​വ​ത​രി​പ്പി​ക്കാ​നെ​ത്തു​ന്ന​ത്. അ​പ്പീ​ലു​ക​ൾ പ​രി​ഗ​ണി​ക്കു​മ്പോ​ൾ 7000 തി​ക​യും.

ആ​റ്റി​ങ്ങ​ൽ ഗ​വ. മോ​ഡ​ൽ ബോ​യ്സ് എ​ച്ച്.​എ​സ്.​എ​സി​ന്‍റെ മു​ൻ ഭാ​ഗ​ത്ത് ഗ്രൗ​ണ്ടി​ലാ​ണ് പ്ര​ധാ​ന വേ​ദി ഒ​രു​ങ്ങു​ന്ന​ത്. വേ​ദി-2 സ്‌​കൂ​ൾ ഓ​ഡി​റ്റോ​റി​യം, വേ​ദി -3 ബാ​സ്‌​ക​റ്റ് ബാ​ൾ മൈ​താ​നം, വേ​ദി-4 പ്ര​ധാ​ന ഗേ​റ്റി​ന​രി​കി​ലെ സ്‌​റ്റേ​ജ്, വേ​ദി-5 ലൈ​ബ്ര​റി ഹാ​ൾ എ​ന്നി​വ​യും ബോ​യ്‌​സി​ലെ വേ​ദി​ക​ളാ​ണ്.

ഗേ​ൾ​സ് എ​ച്ച്.​എ​സ്.​എ​സി​ൽ വേ​ദി-6 സ്‌​കൂ​ൾ ഓ​ഡി​റ്റോ​റി​യം, വേ​ദി-7 പ്ര​ധാ​ന കെ​ട്ടി​ട​ത്തി​ലെ ഒ​ന്നാം നി​ല​യി​ലെ ഹാ​ൾ, വേ​ദി-8 സ്‌​കൂ​ൾ മൈ​താ​നം. ഗ​വ. ടൗ​ൺ യു.​പി സ്‌​കൂ​ളി​ലാ​ണ് ഒ​മ്പ​താം വേ​ദി. ഡ​യ​റ്റ് സ്‌​കൂ​ളി​ൽ വേ​ദി-10 ഓ​ഡി​റ്റോ​റി​യം, വേ​ദി 11-സ്‌​കൂ​ൾ മൈ​താ​നം, വേ​ദി-12 പ്രീ​പ്രൈ​മ​റി ഹാ​ൾ. ഡി.​ഇ. ഓ​ഫി​സി​ലെ സ്‌​കൗ​ട്ട് ഹാ​ളാ​ണ് 13-ാം വേ​ദി. ഗ​വ. കോ​ള​ജ് മൈ​താ​ന​ത്തി​ലാ​ണ് 14ാം വേ​ദി.

അ​ഞ്ചി​ന് രാ​വി​ലെ ഒ​മ്പ​തു മു​ത​ൽ ര​ച​നാ​മ​ത്സ​ര​ങ്ങ​ൾ ഗ​വ.​ജി.​എ​ച്ച്.​എ​സ്.​എ​സി​ലെ പ​ത്ത് ക്ലാ​സ്‌ മു​റി​ക​ളി​ലാ​യി ന​ട​ക്കും. 10 മു​ത​ൽ എ​ല്ലാ വേ​ദി​ക​ളി​ലും ക​ലാ​മ​ത്സ​ര​ങ്ങ​ൾ ആ​രം​ഭി​ക്കു​ന്ന വി​ധ​മാ​ണ് മ​ത്സ​ര ഷെ​ഡ്യൂ​ൾ ത​യാ​റാ​ക്കി​യി​രി​ക്കു​ന്ന​ത്.