പാലം തകർച്ചഭീഷണിയിൽ; അപകടാവസ്ഥ അറിയാതെ യാത്രക്കാർ

ആ​റ്റി​ങ്ങ​ൽ: പാ​ലം ത​ക​ർ​ച്ച​ഭീ​ഷ​ണി​യി​ൽ, അ​പ​ക​ടാ​വ​സ്ഥ അ​റി​യാ​തെ യാ​ത്ര​ക്കാ​ർ. കി​ഴു​വി​ലം ഗ്രാ​മ​പ​ഞ്ചാ​യ​ത്ത് നാ​ലാം വാ​ർ​ഡി​ലെ ചെ​റി​യ പാ​ല​മാ​ണ് അ​പ​ക​ടാ​വ​സ്ഥ സൃ​ഷ്ടി​ക്കു​ന്ന​ത്. ആ​റ്റി​ങ്ങ​ൽ ന​ഗ​ര​സ​ഭ​യെ​യും കി​ഴു​വി​ലം ഗ്രാ​മ​പ​ഞ്ചാ​യ​ത്തി​നെ​യും ബ​ന്ധി​പ്പി​ക്കു​ന്ന ക​ടു​വ​യി​ൽ​റോ​ഡി​ലെ ഏ​ലാ​തോ​ടി​ന് കു​റു​കെ​യു​ള്ള ചെ​റി​യ പാ​ല​ത്തി​ന്‍റെ അ​ടി​വ​ശ​മാ​ണ് പൂ​ർ​ണ​മാ​യും ത​ക​ർ​ന്ന​ത്. പ​കു​തി​ഭാ​ഗം കോ​ൺ​ക്രീ​റ്റ്​ അ​ട​ർ​ന്നു​പോ​യി. ക​മ്പി​ക​ൾ ദ്ര​വി​ച്ചു​ന​ശി​ച്ച്​ പാ​ലം ഏ​തു നി​മി​ഷ​വും നി​ലം പൊ​ത്താ​വു​ന്ന അ​വ​സ്ഥ​യി​ലാ​ണ്.

ഇ​തി​നു​മേ​ലു​ള്ള റോ​ഡി​ലൂ​ടെ അ​പ​ക​ടം അ​റി​യാ​തെ​യാ​ണ് വാ​ഹ​ന​ങ്ങ​ൾ ക​ട​ന്നു​പോ​കു​ന്ന​ത്. സ്കൂ​ൾ ബ​സു​ക​ൾ അ​ട​ക്ക​മു​ള്ള നി​ര​വ​ധി വ​ലി​യ വാ​ഹ​ന​ങ്ങ​ൾ ദൈ​നം​ദി​നം ക​ട​ന്നു​പോ​കു​ന്ന പാ​ല​മാ​ണി​ത്. പാ​ലം അ​ടി​യ​ന്ത​ര​മാ​യി പൊ​ളി​ച്ചു​മാ​റ്റി പു​തി​യ പാ​ലം നി​ർ​മി​ക്ക​ണ​മെ​ന്ന് ആ​വ​ശ്യ​പ്പെ​ട്ട്​ സി.​പി.​ഐ കാ​ഞ്ഞി​രം​കോ​ണം ബ്രാ​ഞ്ച് കി​ഴു​വി​ലം ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റി​ന് നി​വേ​ദ​നം ന​ൽ​കി. അ​ടി​യ​ന്ത​ര​മാ​യി പാ​ലം പ​രി​ശോ​ധി​ച്ച് എ​സ്റ്റി​മേ​റ്റ് എ​ടു​ത്ത് പു​ന​ർ​നി​ർ​മാ​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ക്കാ​മെ​ന്ന് പ​ഞ്ചാ​യ​ത്ത് പ്ര​സി​ഡ​ന്റ് നി​വേ​ദ​ക​സം​ഘ​ത്തി​ന് ഉ​റ​പ്പു​ന​ൽ​കി.