പോക്സോ കേസ് പ്രതിയെ വെറുതേ വിട്ടു

തിരുവനന്തപുരം: പോക്സോ കേസിൽ ആരോപണവിധേയനായ പ്രതിയെ വെറുതെ വിട്ടു. സ്‍ത്രീകൾക്കും കുട്ടികൾക്കും എതിരായ അതിക്രമങ്ങൾ വിചാരണ ചെയ്യുന്ന പാറ്റൂർ അതിവേഗ സെക്ഷൻസ് കോടതി ജഡ്ജി ആജ് സുദർശൻ ആണ് പ്രതിയെ വെറുതേവിട്ടത്.

കിളിമാനൂർ, പുളിമാത്ത് മഞ്ഞപ്പാറ കോളനിയിൽ മണിയനെയാണ് കോടതി കുറ്റക്കാരനല്ലെന്ന് കണ്ട് വെറുതേവിട്ടത്. കിളിമാനൂർ പൊലീസ് ആണ് പ്രതിയെ അറസ്റ്റ് ചെയ്തത്. കേസിൽ ഏഴ് സാക്ഷികളെ വിസ്തരിച്ചു. പ്രതിക്കുവേണ്ടി അഭിഭാഷകനായ നിസ്സാർ.എ ഹാജരായി.