ട്രാൻസ്ഫോർമറുകൾ കാടുമൂടുന്നു; അധികൃതർ അവഗണിക്കുന്നെന്ന് ആക്ഷേപം

ആ​റ്റി​ങ്ങ​ല്‍: ട്രാ​ൻ​സ്ഫോ​ർ​മ​റു​ക​ൾ കാ​ടു​മൂ​ടു​ന്നു, അ​ധി​കൃ​ത​ർ ശ്ര​ദ്ധി​ക്കു​ന്നി​ല്ലെ​ന്ന് ആ​ക്ഷേ​പം. വൈ​ദ്യു​തി ബോ​ർ​ഡി​ന്​ കീ​ഴി​ലു​ള്ള ഗ്രാ​മീ​ണ​മേ​ഖ​ല​ക​ളി​ൽ സ്ഥി​തി ചെ​യ്യു​ന്ന ട്രാ​ൻ​സ്ഫോ​മ​റു​ക​ൾ ഭൂ​രി​ഭാ​ഗ​വും കാ​ടു​മൂ​ടി​ക്കൊ​ണ്ടി​രി​ക്കു​ക​യാ​ണ്. തു​ട​ർ​ച്ച​യാ​യ മ​ഴ​ക്കാ​ല​മാ​യ​തോ​ടെ കാ​ടും വ​ള്ളി​പ്പ​ട​ർ​പ്പു​ക​ളും കു​റ്റി​ച്ചെ​ടി​ക​ളും ട്രാ​ൻ​സ്ഫോ​റു​ക​ർ​ക്കു​ചു​റ്റും വ​ള​രു​ക​യാ​ണ്. മ​ഴ​ക്കാ​ല​ത്ത് ട്രാ​ൻ​സ്ഫോ​മ​റി​ൽ​നി​ന്നു​ള്ള തീ​പി​ടു​ത്ത​ത്തി​ന്​ ഇ​ത്​ കാ​ര​ണ​മാ​കു​ന്നു.

മ​ഴ​ക്കാ​ല​ത്തി​നു​മു​മ്പ് വൈ​ദ്യു​തി ലൈ​നി​ൽ ത​ട്ടി​നി​ൽ​ക്കു​ന്ന മ​ര​ച്ചി​ല്ല​ക​ളും മ​റ്റും മു​റി​ച്ചു​മാ​റ്റു​ന്ന​തി​ന്‍റെ ഭാ​ഗ​മാ​യി ട്രാ​ൻ​സ്ഫോ​ർ​മ​റു​ടെ പ​രി​സ​ര​വും ശു​ചീ​ക​രി​ച്ചി​രു​ന്നു. ഈ ​സ​മ​യ​ത്ത് വെ​ട്ടി​മാ​റ്റി​യ കു​റ്റി​ച്ചെ​ടി​ക​ളെ​ല്ലാം തു​ട​ർ​ച്ച​യാ​യ മ​ഴ​യി​ൽ പൂ​ർ​വാ​ധി​കം ശ​ക്തി​യോ​ടെ വ​ള​ർ​ന്നു പ​ന്ത​ലി​ക്കു​ക​യാ​ണ്. ഭൂ​രി​ഭാ​ഗം സ്ഥ​ല​ത്തും റോ​ഡ​രി​കി​ലാ​ണ് ട്രാ​ൻ​സ്ഫോ​ർ​മ​റു​ക​ൾ സ്ഥാ​പി​ച്ചി​ട്ടു​ള്ള​ത്. മ​റ്റി​ട​ങ്ങ​ളി​ൽ സ​മീ​പ​ത്തെ വ​സ്തു ഉ​ട​മ​ക​ൾ കാ​ട് വെ​ട്ടി ശു​ചീ​ക​ര​ണ​പ്ര​വ​ർ​ത്ത​നം ന​ട​ത്താ​റു​ണ്ട്.

എ​ന്നാ​ൽ ട്രാ​ൻ​സ്ഫോ​ർ​മ​റും പ​രി​സ​ര​വും ശു​ചീ​ക​രി​ക്കു​ന്ന​ത് കെ.​എ​സ്.​ഇ.​ബി​യാ​ണ്. ഇ​ത് നി​ശ്ചി​ത ഇ​ട​വേ​ള​ക​ളി​ൽ ന​ട​ക്കാ​ത്ത​തി​നാ​ലാ​ണ് പ​ല​ഭാ​ഗ​ത്തും ട്രാ​ൻ​സ്ഫോ​മ​റു​ക​ൾ കാ​ട് മൂ​ടു​ന്ന​ത്. മ​ഴ​ക്കാ​ല​ത്തെ തീ​പി​ടി​ത്ത​ത്തി​നും ഒ​രു​പ്ര​ദേ​ശം ഒ​ന്നാ​കെ വൈ​ദ്യു​തി വി​ത​ര​ണം നി​ല​ക്കു​ന്ന​തി​നും അ​പ​ക​ട​സാ​ധ്യ​ത​ക്കും ഇ​ത് കാ​ര​ണ​മാ​കു​ന്നു. ട്രാ​ന്‍സ്‌​ഫോ​ര്‍മ​റി​ന്റെ പ​രി​സ​ര​ത്തെ​യും റോ​ഡി​ന്റെ വ​ശ​ങ്ങ​ളി​ലെ​യും കാ​ട് നീ​ക്ക​ണ​മെ​ന്നാ​ണ് പ്രാ​ദേ​ശി​ക ഭ​ര​ണ​കൂ​ട​ങ്ങ​ളോ​ടും ഇ​ല​ക്ട്രി​സി​റ്റി ബോ​ർ​ഡി​നോ​ടു​മു​ള്ള ആ​വ​ശ്യം.