ഓട്ടോയില്‍ യുവതി പ്രസവിച്ചു; രക്ഷകരായി ദമ്പതികള്‍

ആ​റ്റി​ങ്ങ​ൽ: ആ​ശു​പ​ത്രി​യി​ലേ​ക്ക്​ പോ​കും​വ​ഴി ഓ​ട്ടോ​ക്കു​ള്ളി​ല്‍ യു​വ​തി പ്ര​സ​വി​ച്ചു; അ​മ്മ​ക്കും കു​ഞ്ഞി​നും ര​ക്ഷ​ക​രാ​യ​ത് സ​മീ​പ​വാ​സി​യാ​യ ദ​മ്പ​തി​ക​ൾ. ബു​ധ​നാ​ഴ്ച രാ​വി​ലെ 11നാ​ണ്​ സം​ഭ​വം. വ​ര്‍ക്ക​ല ത​ച്ചോ​ട് സ്വ​ദേ​ശി​നി​യാ​ണ് ഓ​ട്ടോ​ക്കു​ള്ളി​ൽ പ്ര​സ​വി​ച്ച​ത്. എ​ട്ടു​മാ​സം ഗ​ര്‍ഭി​ണി​യാ​യ യു​വ​തി​യും മാ​താ​വും ചി​റ​യി​ൻ​കീ​ഴ് താ​ലൂ​ക്കാ​ശു​പ​ത്രി​യി​ലേ​ക്ക്​ വ​രി​ക​യാ​യി​രു​ന്നു. ഓ​ട്ടോ​ഡ്രൈ​വ​ര്‍ക്ക് വ​ഴി​തെ​റ്റി റെ​യി​ല്‍വേ ലെ​വ​ല്‍ ക്രോ​സി​ന​പ്പു​റം പ​ണ്ട​ക​ശ്ശാ​ല ജ​ങ്ഷ​നി​ലെ​ത്തു​ക​യാ​യി​രു​ന്നു. ഇ​വി​ടെ റെ​യി​ല്‍വേ മേ​ല്‍പാ​ലം പ​ണി ന​ട​ക്കു​ന്ന​തി​നാ​ല്‍ വ​ഴി അ​ട​ച്ചി​രി​ക്കു​ക​യാ​ണെ​ന്ന് മ​ന​സ്സി​ലാ​ക്കി തി​രി​കെ ശാ​ര്‍ക്ക​ര റോ​ഡി​ലേ​ക്ക്​ പ്ര​വേ​ശി​ക്കാ​ന്‍ തു​ട​ങ്ങു​ന്ന​തി​നി​ടെ, യു​വ​തി​ക്ക്​ പ്ര​സ​വ​വേ​ദ​ന ആ​രം​ഭി​ച്ചു.

ഡ്രൈ​വ​ര്‍ പ​ണ്ട​ക​ശ്ശാ​ല​ക്കു​ സ​മീ​പ​മു​ള്ള വീ​ട്ടി​ല്‍ ആം​ബു​ല​ന്‍സ് വി​ളി​ക്കാ​ന്‍ സ​ഹാ​യം അ​ഭ്യ​ര്‍ഥി​ച്ചു. ഈ ​സ​മ​യം ഓ​ട്ടോ​യി​ൽ നി​ന്ന്​ നി​ല​വി​ളി കേ​ട്ട് സൗ​ദി​യി​ല്‍ ന​ഴ്‌​സാ​യ ആ​ര്‍ദ്ര​യും ഭ​ര്‍ത്താ​വ് ശ്യാം​രാ​ജും യു​വ​തി​ക്ക​രി​കി​ലെ​ത്തി. ഈ ​സ​മ​യം കു​ഞ്ഞി​ന്റെ ത​ല​ഭാ​ഗം പു​റ​ത്തെ​ത്തി​യ നി​ല​യി​ലാ​യി​രു​ന്നു. അ​വ​സ്ഥ മ​ന​സ്സി​ലാ​ക്കി​യ ആ​ര്‍ദ്ര കു​ഞ്ഞി​നെ പു​റ​ത്തെ​ടു​ക്കാ​ന്‍ തീ​രു​മാ​നി​ച്ചു. ശ്യം​രാ​ജ് റോ​ഡി​ലെ യാ​ത്ര​ക്കാ​രാ​യ സ്ത്രീ​ക​ളെ കൂ​ട്ടി ആ​ര്‍ദ്ര​ക്ക്​ സ​ഹാ​യ​ത്തി​നെ​ത്തി​ച്ചു.

കൈ​യി​ല്‍ കി​ട്ടി​യ തു​ണി ഉ​പ​യോ​ഗി​ച്ച് ഓ​ട്ടോ​റി​ക്ഷ​ക്ക്​ മ​റ​യു​ണ്ടാ​ക്കി. സ​മീ​പ​ത്തെ ഓ​ട്ടോ സ്റ്റാ​ന്‍ഡി​ലെ ഡ്രൈ​വ​ര്‍മാ​രും സ​ഹാ​യ​ത്തി​നെ​ത്തി. തു​ണി​യും ചൂ​ടു​വെ​ള്ള​വും മ​റ്റു​മു​പ​യോ​ഗി​ച്ച് കു​ഞ്ഞി​നെ പു​റ​ത്തെ​ടു​ക്കാ​ന്‍ ശ്ര​മി​ച്ചെ​ങ്കി​ലും കു​ഞ്ഞ് വ​സ്ത്ര​ത്തി​നി​ട​യി​ല്‍ ഞെ​രു​ങ്ങി​യ നി​ല​യി​ലാ​യി​രു​ന്നു. ആ​ര്‍ദ്ര​യു​ടെ ശ്ര​മ​ഫ​ല​മാ​യി കു​ഞ്ഞി​നെ പു​റ​ത്തെ​ത്തി​ച്ചെ​ങ്കി​ലും ശ്വാ​സ​മി​ല്ലാ​ത്ത അ​വ​സ്ഥ​യി​ലാ​യി. കു​ഞ്ഞി​നെ ത​ല​കീ​ഴാ​ക്കി പു​റം​ഭാ​ഗ​ത്ത് ശ​ക്തി​യാ​യി അ​മ​ര്‍ത്തി​യും ജീ​വ​ന്‍ നി​ല​നി​ര്‍ത്താ​ന്‍ മ​റ്റ് മാ​ര്‍ഗ​ങ്ങ​ളെ​ല്ലാം തു​ട​രു​ന്ന​തി​നി​ടെ, കു​ഞ്ഞ് ക​ര​ഞ്ഞ​തോ​ടെ എ​ല്ലാ​വ​ര്‍ക്കും ആ​ശ്വാ​സ​മാ​യി.

പൊ​ക്കി​ള്‍ക്കൊ​ടി അ​റു​ത്തു​മാ​റ്റാ​ന്‍ ക​ഴി​യാ​തെ വ​ന്ന​തോ​ടെ ഉ​ട​ന്‍ ആ​ശു​പ​ത്രി​യി​ലേ​ക്ക്​ മാ​റ്റാ​ന്‍ ആ​ര്‍ദ്ര ആ​വ​ശ്യ​പ്പെ​ട്ടു. ഈ ​സ​മ​യം ആം​ബു​ല​ന്‍സ് എ​ത്തി​യെ​ങ്കി​ലും അ​മ്മ​യെ​യും കു​ഞ്ഞി​നെ​യും ഓ​ട്ടോ​യി​ല്‍ നി​ന്ന് മാ​റ്റാ​ന്‍ ക​ഴി​യാ​ത്ത നി​ല​യി​ലാ​യി​രു​ന്നു. തു​ട​ര്‍ന്ന്, പ്ര​സ​വം ന​ട​ന്ന അ​തേ ഓ​ട്ടോ​യി​ല്‍ ത​ന്നെ അ​മ്മ​യെ​യും കു​ഞ്ഞി​നെ​യും ചി​റ​യി​ന്‍കീ​ഴ് താ​ലൂ​ക്കാ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ആ​ണ്‍കു​ട്ടി​ക്കാ​ണ് യു​വ​തി ജ​ന്മം ന​ല്‍കി​യ​ത്.